Kay 2023 watapa 24 de febreropim cumplikuchkan huk wataña Ucrania nacionpi guerra kasqan. Noticiakunapim ninku Ucrania nacionniyuq soldadokuna hinaspa Rusia nacionniyuq soldadokunaqa yaqa 300.000 wañurusqankumanta utaq wakiqninqa qalaypaq herido qiparusqankumanta. Ninkutaqmi yaqa 30.000 runamasinchikkunapas mana soldado kachkaspankupas wañurusqankumanta. Manam sumaqtaqa yachakunchu haykapuni wañuqkuna kasqanqa, yaqachusmi masña runaqa wañurun.

 Kay guerraqa hinallachusmi kanqa, chayqa llakikuypaqmi.

•   NPR sutiyuq radiopi llamkaq periodistam kay 2023 watapa 19 de febreropi kaynata willawarqanchik: “Yaqa huk watañam Ucrania nacionwan Rusia nacion guerrapi kachkanku, manachusmi kayqa tukunqachu. Manam mayqinpas guerrapi ganananpaq hinachu kachkan. Manataqmi guerra tukunanpaq acuerdoman chayaytaqa munankuchu”, nispa.

 Kay guerra kasqanta qawaspan wara-waranqantin runamasinchikkuna mancharisqa tarikunku wañuyllataña, ñakariyllataña sapa punchaw qawaspanku. Huklaw nacionkunapipas runakuna chiqninakuspa wañuchinakusqankuraykum inocentekunapas wañuchkanku. ¿Imatam biblia nin guerrakunamanta? ¿Yaqachu haykaqllapas guerrakunata manaña rikusun?

 Bibliam willawanchik qipakunata huk guerra kananmanta, chay guerraqa runakunatam salvanqa. Chay guerratam biblia sutichan “Armagedonwan”. Chayqa ‘tukuy atiyniyuq Diospa piñakuynin punchawpi guerram’ (Apocalipsis 16:14, 16). Chay guerrapim tukuy atiyniyuq Diosninchikqa runapa rikurichisqan guerrakunata wiñaypaq chinkachinqa, runapa gobiernontapas tukunqam. Armagedon punchawpi guerra kasqanqa imanasqa hawkayayta apamunanmanta yachaykunaykipaq kay yachachikuykunata leekuy:

•   “¿Imataq Armagedonqa?”

•   “Armagedon punchawqa kusikunapaqmi kanqa”