Noticiakunapim uyarinchik runakuna chiqninakusqankurayku yanqakunamanta wañuchinakusqankuta. Chiqninakunkum mana chayna kastallamanta kasqankurayku utaq imamantapas.

•   Estados Unidos nacionpi riqsisqa periodicopim kaynata nin: “Israelwan Gaza guerrapi kasqankuraykum internetpipas chayllamantaña rimanku. Chaymi internetpipas utaq noticiakunapipas chiqninakuyllamantaña astawan rimanku”, nispa (The New York Times,  15 de Noviembre, 2023).

•   Asamblea General de las Naciones Unidas organizacionpa presidentenpas ninmi: “7 de octubre 2023 watamanpacham astawanraq chiqninakuy yapakurun, runakunapas chayllamantañam rimanku. Chayraykum runaqa wañuchinakuyllapiña kachkanku. Manam kaynaqa ñawpaqtaqa rikukurqachu”, nispa.

 Runakunaqa ñawpaqmantapacham chiqninakurqaku. Bibliapipas kaynatam nin chay chiqnikuq runakunamanta: “Mana allin rimasqankupas flechakuna hinam”, nispa (Salmos 64:3; 120:7; 140:1). Ichaqa, bibliapim niwanchik kay tiempopi chiqninakuy imaynanpi kasqanmanta yachayqa imanasqa ancha allin kasqanta.

 Chaymantam bibliapi willawanchik.

1.  1. Willawarqanchikmi tukupay tiempopi ‘yaqa llapallan runakunapa kuyakuynin chiriyananmanta’ (Mateo 24:12). Arí, chaynam kachkan. Kay tiempopi runakunaqa kuyanakunankumantaqa chiqninakuyllapiñam kachkanku (2 Timoteo 3:1-5).

2.  2. Kunan tiempopi runakunaqa chiqninakuyllapiñaqa kawsakunku satanaspa kallpanchasqanraykum. Chaytam bibliapipas kaynata nin: “Mana allin runakunam ichaqa satanaspa munaychakusqan kachkanku”, nispa (1 Juan 5:19; Apocalipsis 12:9, 12).

 Bibliaqa niwanchiktaqmi chiqninakuy manaña kananpaq Diosninchik manapas unaymanta imata ruwananmanta. Chaymantapas niwanchikmi chiqninakuy kasqanrayku tukuy ima ñakariyta chinkachinanmanta. Bibliapim chayta niwanchik:

•   “Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas. Ñawpaq kaqkunaqa pasarunñam”, nispa (Apocalipsis 21:4).