Ashca runaunaj tucui tunu runauna parijulla causana shu muscuilla an ninun.

•   António Guterres, Secretario General ONU nishca organizacionmanda nin: “Shuj llactaunamanda runaunara chijnina institución nishcaunara, pugri, charij runaunara, tucui partiunai tiaj runaunara huajlichisha catin. Cai, runaunara caran cuti mas chicanyachiun”.

 ¿Shu punzha tucui tunu runauna parijulla causanungachu? Biblia caimanda ¿imara nin?

 Biblia yachachin imasna Dios tucui tunu runaunara ricun.

•   “[Dios] shu yahuarmandalla tucui runara iñachicami, intiru cai pachai causanauchu” (Hechos 17:26).

•   “Diospa ñaupajpi tucui runauna chi tupulla anchi. Dios maican llacta runaras, paita manzhajta, alira rauta, llaquin” (Hechos 10:34, 35).

 Biblia yachachin tucui runauna pariju anchi, shinallara Yaya Dios tucui llactaunamanda runaunara llaquinmi.

 Yaya Dios paihua ahua pacha Reinohua tucui tunu runauna shujlla aillu cuinta intiru mundui causanuchu ruranga. Cai mandana tucui cai allpai causajcunara yachachinga imasna shujcunara llaquisha causanuchu. Paiguna yachanunga imasna shuj llactaunamanda runaunara chijnina shungumanda llucchingaj.

•   “Can allpara taripashcai, chibi causaj runauna yachanunga ali dirichu ruranara” (Isaías 26:9).

•   “Ali ruranamanda ganaslla causana tianga, ali ruranamanda muyu ganaslla, ima llaquiuna illaj causanunga huiñai huiñaigama” (Isaías 32:17).

 Cuna timpuunai ashca huaranga runauna Bibliamanda yacharianun shujcunara respetua, valichishcahua causangaj.

•   Caimanda mas yachangahua ¡Despertad! revistai “¿Tiene cura el prejuicio?” nishca temara leangui.

•   Yayauna “¿Cómo hablar con sus hijos sobre el racismo?” nishca temara leana ushanun paihua huahuaunahua imasna caimanda cuintaringaj yachangahua.