Ñaupa timpui Jehovahuaj testigoguna shujta shujta Bibliagunahua yachachinuca. Shinajpis mas intindinalla Bibliara charingahua ministirishca aca, Yaya Dios munashcasna “sirtu shimira yachanama shamunauchu” (1 Timoteo 2:3, 4). Traducción del Nuevo Mundo nishca Bibliaga 1950 huatai inglés shimii llucchicanchi. Cunan timpui cai Bibliaga intindihuajlla, mana turcashcachu an, 130 yali shimiunai tian.

Intindinalla Biblia ministishca aca. Timpu pasajpi shimiuna cambiarinmi. Chiraigu huaquin Bibliaguna ñaupa rimashca shimiunahua quillcashcami aca. Shinajpis Biblia ñaupa ali quillcashcaunara tupanushca, chiga hebreo shimii, arameo shimii, griego shimii mas ali intindingaj yanapaca.

Ñaupa punda Biblia quillcashcasna intindinalla Biblia ministishca aca. Bibliara shuj shimii quillcajcuna mana paiguna quiquin iyaira quillcanachu an. Shina quillcana ajpis huaquin Bibliagunai Diospa shuti Jehová mana tian.

Diospa shutira charij Biblia ministishca aca (2 Timoteo 3:16). Shujta Bibliaguna Jehová Diospa shuti tianara anzhuchinushca, randiga Traducción del Nuevo Mundo nishca Bibliai Diospa shuti churashcami an, imasna ñaupa hurasbi quillcashca cuinta. Diospa shuti tianara quillcashca ajta uraibi ricui (Salmo 83:18). Traducción del Nuevo Mundo nishca Bibliara llucchingahuaga ashca huatauna alira estudiasha, alira intindisha quillcanuca. Shinami Diospa iyaigunara alira intindichin. Bibliara camba quiquin shimii charishas, mana charishas munanchimi caran punzha Jehová Diospa Shimira leachu (Rashcauna [Hechos] 17:11; Ricuchina [Apocalipsis] 1:3).

• Traducción del Nuevo Mundo nishca Bibliara charinaga ¿imarasha ministirishca aca?

• Diospa munaira alira yachangahua ¿imara rana anchi?