Jesús ucha illaj aca, runauna cuinta ashca llaqui, turbarishca sintirishcara mana sintica. Shinajpi sirtu pacha runaunara shungumanda yanapana munaca, paigunamanda sirtura ursarica. Paiguna ministishcaunallara mana rurarca maspas ashcara rurana munaca. Chiraigu shujcunara llaquishcamanda paigunara yanapangaj munaca. Capítulo 32, 37, 57, 99 partii huaquin ejemplogunara ricuna ushanchi.

Caran tunu huatara charij malta, rucuunas Jesusma llutaringaj munaira charinuca, pai mana ahuayarishca sintirica. Jesús runaunara llaquishcahua ricuchijpi paiguna paihua mayambi cushi sintirinuca. Shujcuna imasna paihuajpi quirishcara ricushunchi capítulo 25, 27, 95 partii.

Jesús caran cuti paihua Yayara shungumanda mañaca sapalla ashcai Jehová Diosta adurajcuna ñaupais. Caran cuti mañaj aca mana micuna hurasllai. Pai mañashcaunai paihua Yayara pagarachuca, ahuayachicas, valishca iyaigunara manara ajllashallara paihua Yayara ali iyaigunara ajllangaj yanapachu mañaca. Huaquin pasashca ejemplogunara yachashunchi capítulo 24, 34, 91, 122, 123 partii.

Maican timpuunai, Jesús yapa sambayashca ashas mana samangaj rica, maspas shujcunara yanapangaj ursarica. Mana paillai iyarica. Shina rurasha shu gustu ejemplora saquica paita catingaj. Ricushun imasna shujcunara yanapashcara cai capitulogunai 19, 41, 52 partii.

Jesús yachachica imara mas valishca ashcara shujcunara perdonangaj, shinallara paihua ejemplora cuca paita catijcunara perdonasha shujcunaras perdonasha. Ricushun imasna rurarca cai capitulogunai 26, 40, 64, 85, 131 partii.

Profeciaguna rimanuca ashca judioguna Mesiasta llaquichisha paita chijnijcuna paita huanchina ashcara. Jesús huañunara yachashca asha ansalla ruranmaca maspas pai sirtu aduranara mas yachachisha catica. Ñucanchira llaquichinujpi Jesús ali ejemplora catina ushanchi. Iyarishunchi cai capituloguna ima nishcara 16, 72, 103 partii.

Jesús uchayuj runaunamanda mas yali aca, mas ali yachaj, mas sabiru aca. Ucha illaj ashcamanda paihua aicha paihua iyai shuj runauna cuinta mana acachu. Shinasha mansu shungu asha runaunara sirvica. Mansu shungu anamanda capítulo 10, 62, 66, 94, 116 partii tupana ushanchi.

Apostolguna shuj runaunas Jesús rurashcaunara pai yachachishcaunaras mana pactachijpi Jesús chapaisiqui shungura ricuchica. Paiguna Jehová Diospajma mayanllayanuchu Jesús mana piñarisha paiguna ministishca yachachishcaunaras yachachica. Ricushun imasnara Jesús chapaisiqui shungura ricuchica capítulo 74, 98, 118, 135 partii.