Ashca persunas sackerancu iglesiasnincuman ’riyta, imaraycu mana ni imatapas yachachicorancu ni consueluta chasquerancu. Chayraycu, ¿imajchus ckam tantacunasman Jehóvap testigusninmanta ’rinayqui tían?, ¿imát chaypi tárej ’rinqui?

Tíaj ’rinqui cusca munácoj y cusiscka persunasuan. Ñaupa tiempupi, cristianus organisasckas tiarancu congregaciunespi y tantácoj carancu Yayát adoranancunápaj, Yáyap ’Rimayninmanta aprendenancunápaj y sujhuan sujhuan animacunancunápaj (Hebreos 10:24, 25). Tantanacus huauckesnincunaan maypi tucuycuna munayuan tratácoj carancu, alli yanasus ina tíaj carancu (2 Tesalonicenses 1:3; 3 Juan 14). Nockaycupas quiquinta ’ruaycu y cusisckas caycu.

Aprendenqui imaina Biblíap principiusnin causayniyquipi yanapásoj ’rin. Imaina únay tiempupi ’ruácoj cara, cunan punchau ckaris, huarmis y huahuitas tantanacuycu, uyaríypaj yachachejcunata esperienciáyoj ima yanapaaycu unanchanaycúpaj imaina Biblíap principiusninta causayniycupi ckaachiyta atiycu (Deuteronomio 31:12; Nehemías 8:8). Y túcuy picuna tantacunasman amuncu, comentayta atincu áicap huaquin partespi tantacunamanta tapunasuan y respuestasuan ’ruacun, y cancionesta cantayta atincu, chayna sapa suj suyananta ckaachiyta atin (Hebreos 10:23).

Yayapi feyquita sinchiyachinqui. Apostul Pablu suj congregaciunta tiempunmanta escribipucora: «Deseani ckaacuyta [...] ckamcunapura animasckas canayquíshpaj, sapa suj sujpa fenraycu, imaina nóckap y ckamcúnap» (Romanos 1:11, 12). Tantacunaspi huauckesniycuan trataptiycu, chay feycuta sinchiyachin y decisiunniycuta cristianus ina causanaycúpaj.

Ámoj tantacunaman ámuy y ckáay ’ruasckaycuta. Alliamuscka caj ’rinqui. Mana imatapas pagaranayqui tían y mana ckoshcketa mañacun.

• ¿Imaina tantacunasniycuta ’ruaycu?

• ¿Imaina tantacunas yanapaaycu?