¿Testigo de Jehovacunaca shujtaj religioncunapaj yuyaicunata respetanchu?
Ñucanchijca Biblia yachachishcatami catinchij. Chaipica “tucuicunahuan alli caichij” ninmi. Chaimantami tucuicunapaj crishcacunata respetanchij (1 Pedro 2:17). Por ejemplo huaquin llajtacunapi achca testigo de Jehovacuna tiyashpapish politicocunata, mandajcunatapish shujtaj religioncunata jarcachun mana ninchijchu. Shinallataj ñucanchij crishcacunata shujtajcunapish catichun leycunata cambiachun mana mañanchijchu. Chaipaj randica tucuicunata alli tratangapajmi esforzarinchij. Chashnallataj shujtajcunapish ñucanchijta alli tratachunmi munanchij (Mateo 7:12).
Caitapish yachai
GENTECUNA RURASHCA TAPUICUNA
¿Testigo de Jehovacunaca paicunalla quishpirina cashcatachu crincuna?
Bibliapica picuna quishpirina cashcatami huillan.
HUILLANGAPAJ VIDEOCUNA
¿Testigo de Jehovacunaca picunataj canchij?
Achca gentecunaca testigo de Jehovacunamantami ashtahuan yachasha nincuna. Imata rurashcata, imapi crishcatapish yachangapajca paicunahuan parlai.
ÑUCANCHIJTA RIJSI
Shuj tandanacuiman ri
Ñucanchij tandanacuicunamanta ashtahuan yachai. Cambaj cꞌuchullapi shuj Tandanacuna Huasita mashcai.