Ima charishcallahuan cushilla causangapaj consejocuna
Soltero o casado cashpa, joven o mayorlla cashpapish tucuicunami cushilla causasha ninchij. Ñucanchijta ruraj Diospish ñucanchijcuna chashna causachunmi munan. Chaimantami paica alli consejocunata cushca.
Alli trabajador cai
“Trabajachun. Ima illajlla cajcunaman chaupinata charinapaj, quiquin maquihuan imatapish allita rurachun” (EFESIOS 4:28).
Ñucanchijta ruraj Diosca trabajanaca alli cashcata yachachunmi munan. ¿Imamanta? Shuj alli trabajadorca minishtirishcacunata charingapaj, familiata mantiningapajmi trabajan. Chaimantami cushilla can. Shinallataj imata minishtijcunatami ayudai tucun. Alli trabajajcunataca jefecunapish achcatami valoran. Chaimantami trabajo illajca tal vez mana saquiringa. Bibliapica sinchita trabajashcamanta imallatapish charinaca Dios cushca regalomi can ninmi (Eclesiastés 3:13).
Honrado cai
“Ñucanchijca alli concienciata charishcatami seguro canchij. Shinallataj tucuipi allita rurashpami causasha ninchij” (HEBREOS 13:18, NWT ).
Honrados cashpaca cushillami cashun, tranquilomi sintirishun, tutacunapish allimi durmi tucushun. Shujtajcunapish ñucanchijtami respetangacuna, confianzata charingacuna. Cutin mana honrado caj gentecunaca mana chashna causancunachu. Paicunaca concienciapipish mana alli sintirincunachu. Paicuna mana allita rurashcata shujtajcuna yachana manchaimi causancuna.
Cullqui ashtahuan importante cashcata ama yuyaichu
“Quiquinpajlla ashtahuan charij canataca ama munaichijchu. Cunan imata charishcacunallahuan cushi caichij” (HEBREOS 13:5).
Huaquin cosascunata, micunitata charingapajmi cullquica minishtirin. Pero ashtahuan cullquita charisha nishpami ñucanchij tiempota, fuerzataca trabajangapajlla yalli utilizashun. Chaimantami matrimoniopi mana alli cashun, huahuacunahuan pasangapaj tiempota mana charishun, o ñucanchij saludta dañai tucushun (1 Timoteo 6:9, 10). Ashtahuan cullquita charinata munaj personaca mana allicunatami rurai callari tucun. Shuj yachaj runaca: “Shunguta churaipaj alli runaca, achca allicunatami japinga. Ashtahuanpish utca charij tucuna yuyailla purijtaca imatapish juchachinllacunami” nircami (Proverbios 28:20).
Alli yachaita agllai
“Mandashcatapish, cunashcatapish huaquichingui” (PROVERBIOS 3:21).
Alli educacionta charinaca responsables cachun, alli yaya mamacuna cachunmi ayudan. Pero chaita charishcallamantaca mana cushilla causai tucushunchu o tucui minishtishcacunata mana chari tucushunchu. Ñucanchij causaipi alli cangapajca Diosmanta shamuj alli yachaita charinatami minishtinchij. Bibliapica Dios nishcacunata uyajpica ‘tucui imata rurashcapish allimi llujshinga’ ninmi (Salmo 1:1-3).
Caitapish yachai
RIJCHARI
Cushi causaita mashcai: Charinallapi ama yuyashpa shujtajcunata ayudai
Huaquincunaca, “achca cullquita charishpallami cushilla causaita charishun” nincunami. chaimantami dimastij burro laya trabajashpa causancuna. Pero, ¿cullquita charishpalla, ñucanchij munashcacunata charishpallachu cushilla causai tucunchij? Cai temamanta yachajcuna ima nijta ricushun.
BIBLIAMANTA IMPORTANTE YACHAICUNA
¿Imapajtaj gentecunaca causanchij?
Cushilla, alli causaita charingapaj imata rurana cashcata yachai.
ÑUCANCHIJTA RIJSI
Quiquinta visitachun mañai
Bibliamanta can charishca tapuita cutichichun mañai o testigo de Jehovacunamanta ashtahuan yachai.
