Confianzata charij jovencunaca tucuipimi respetancuna. Shinallataj imatapish mana llullashpami respetohuan parlancuna. Chashnami amigocunapaj, jefecunapaj, shujtajcunapaj confianzata charin.

Can mana llullajpica shujtajcunaca canpimi confiangacuna.

Sarahi solteraca: “Yaya mamapaj confianzata charingapajca tucuitami alli rurana canchij. Mana yaya mama mandajllapichu imatapish rurana canchij” ninmi.

BIBLIAPICA: “Crijtaj cashcataca cancunallataj alli ricurichigari” ninmi (2 Corintios 13:5).

Yaya mama canpi confianzata charichunca caita rurai.

Imatapish ama llullashpa parlai. Can llullajpica canpica ña mana confiangacunachu. Cutin can imapi pandarishpapish tucuipi honrado cajpica shujtajcunaca canpimi confianga.

Shuj jovenca: “Verdadta nishcamantami huaquinpica pingaipi saquiringui. Pero shujtajcuna canpi confiachunca imatapish cashcatami rurana cangui” ninmi.

BIBLIAPICA: ‘Tucui imapish alli llujshichunca allita pushana yuyaillami [honradosmi, NM] cana canchij’ ninmi (Hebreos 13:18).

Alli trabajador cai. Estados Unidos llajtapica trabajota cujcunatami entrevistarcacuna. Casi tucuicunami: “Shuj trabajota cungapajca responsable cajta o mana responsable cajtami ricunchij” nircacuna. Cunanmanta responsable cashpaca jatunyashpapish allimi causangui.

Sarah solteraca: “Ñuca yaya mamacuna mana ligero ligero cazujta ricushpaca paicunaca ñucapi mana confiangachu. Pero paicunapaj mandashcacunata utca uyajpica paicunaca ñucapimi confianzata charingacuna” ninmi.

BIBLIAPICA: ‘Canpi confiashpami quillcani. Ñuca nishcataca, ashtahuan yallita rurana cashcatapish yachanimi’ ninmi (Filemón 21).

Pacienciata chari. Jovencuna huiñarishpa cambiarijtaca jahuallami ricui tucunchij. Pero paicunapaj yuyaicuna ima shina cajta ricunaca mana jahuallachu can.

Brandon jovenca: “Yaya mamapaj confianzata charinaca mana jahuallachu can. Pero can responsable cajta ricushpaca canpimi confiashpa catingacuna” ninmi.

BIBLIAPICA: “Mana pꞌiñarij canata churarichij” ninmi (Colosenses 3:12).