Noticiacunapi, redes socialescunapica huaquin gentecuna shujtajcunata ima shina pꞌiñashcatami ricuchincuna. Maijan gentecunaca internetta utilizashpa, correocunata cachashpami shujtajcunata yanganchishcata ricuchincuna. Shinallataj achca gentecunataca yangamanta cꞌamishpa, burlarishpa, llaquichishpami causancuna. Chashnami gentecunaca shujtajcunata pꞌiñashcata ricuchincuna.

Cai revistaca shujtajcunata ama pꞌiñashpa causangapaj imata rurana cashcatami yachachin. Cai shina causaica mana shuj muscuillachu can, pajtaringatajmi. Cunan punllacunallapitajmi achca gentecunaca shujtajcunata pꞌiñanata saquishcacuna.