PARTE 3
Edén huertapi causaica ¿imashinataj carca?
Diosca achca bendicioncunatami Adanman, Evaman curca Génesis 1:28
Jehová Diosca punta huarmi Evatami rurarca. Paitami Adanpaj huarmi cachun curca (Génesis 2:21, 22).
Adanta Evatapish jucha illajtami Diosca rurarca. Paicunapaj yuyaipish cuerpopish jucha illajmi carca.
Paicunaca Edén huertapimi causarca. Chaitaca shuj sumaj yacumi pasaj carca. Yuracuna, animalcunapish tiyarcami. Shuj paraisomi carca.
Jehová Diosca paicunahuan parlashpami yachachij carca. Chai paraisopi huiñaita causangapajca Diostami uyana, cazunapish carca.
Shuj yuramanta ama micuchunmi Diosca mandarca Génesis 2:16, 17
Shuj angelca mana cazushpami Diospaj contra tucurca. Chai millai angelca Diablo, Satanasmi can.
Adanta Evataca shuj yuramanta ama micuchunmi Diosca mandarca. Chai yuramanta micushpaca huañunami carca.
Paicuna Jehovata cazuchunca Satanasca mana munarcachu. Shuj culebrata parlachishpami Evata nirca, chai yuramanta micushpaca mana huañunguichu, ashtahuanpish Dios shinami tucungui nishpa. Chaica ¡jatun llullami carca! (Génesis 3:1-5.)
Caitapish yachai
BIBLIAMANTA IMPORTANTE YACHAICUNA
¿Diosca imapajtaj cai Allpataca rurarca?
Cai Allpaca intimantapish mana yalli cˈuchullapi o yalli carupichu can. Allpa quinrijlla muyuchunmi lunata churashca. ¿Imamantataj Diosca chashna rurashca canga?
