PARLANACUSHPA CALLARI
YACHAI 4
Humilde cai
Filipenses 2:3-pica: “Shujtajcuna cancunata yalli cashcata yuyashpa humildecuna caichij” ninmi.
¿Apóstol Pabloca imatataj rurarca?
1. VIDEOTA ricui. Mana cashpaca Hechos 26:2, 3-ta liyipai. Qꞌuipaca cai catij tapuicunapi yuyai:
-
¿Pabloca mandaj Agripataca imata nishpataj humilde cashcata ricuchirca?
-
¿Pabloca mana jatun tucushcata, paipaj propio yuyaicunamanta mana yachachicushcata ricuchingapajca imatataj nirca? (Hechos 26:22-ta ricui).
¿Apóstol Pablopaj ejemplomantaca imatataj yachanchij?
2. Respetohuan, humildadhuan yachachijpica gentecunaca uyanatachari munangacuna.
Apóstol Pablo shina rurai
3. Respetohuan parlai. Jatun tucushpa mana parlanachu cangui. Huasiyujta yalli yachashcata ricuchishpa mana malpi saquichinachu cangui.
4. Bibliamanta yachachicushcata ricuchi. Bibliaca Diosmantami shamun. Chaimantami Biblia yachachishcacunaca gentecunapaj shunguman chayai tucun. Bibliamanta yachachijpica uyajcunaca Bibliapimi cringacuna.
5. Alli trataj cai. Huasiyuj pandarishca cashcata ricuchingacamaca ama rimarishpa catichu. Humilde cashpaca mana rato pꞌiñarinachu cangui. Ima hora rina cashcatapishmi yachana cangui (Proverbios 17:14; Tito 3:2). Alli shimicunahuan cutichijpica gentecunaca shujtaj punllapi ñucanchijhuan parlanatachari munangacuna.
