Bibliabiga ashca promesaguna, consejogunadashmi tarinchi. Tal vez quiquinga ima yachachishcadallari yachanada munangui. Shinalladi dudagunadash charinguillari. ¿Ñaupa librobu promesagunabi, consejogunabi confiai pudinchillu? ¿Cunun funchagunabi, shamuj funchagunabi Bibliabi nishca shina alli causai tiyana gashcadaga crii pudinchillu? Millón gentegunami criin. Chai genteguna imamunda shina crishcada yachallunmi animanchi, shinami quiquinlladi ima cierto gashcada o na cierto gashcada rricui pudingui.

1. ¿Bibliabi nishcagunaga ciertollu pasashca?

Bibliaga “de verdad palabragunadaga” alli escribishca gashcadami nin (Eclesiastés 12:10). Punta tiempomunda ima tucushcada, genteguna de verdad tiyashcadashmi parrlan (Lucas 1:3 y 3:1, 2 da, liyi). Ashca estudiado gentegunaga Bibliabi nishcaguna, fechaguna, genteguna, lugargunabi ima tucushcaga de verdad tiyashcadami huillan.

2. ¿Ñaupa libro gajpish imamundadi Bibliabi confianchi?

Bibliaga ñauparashtimi huaquin cosasgunamunda siempremi huillarajushca, por ejemplo, cienciamundami parrlan. Incluso Bibliada escribijuj tiempoga diferente yuyaigunami cienciamunda tiyarca, pero cunun tiempobi cienciaga Bibliami verdadta huillashcada rricuchin. “Paibu shimigunaga verdad gajpimi cunun y para siempre confianalla gan” (Salmo 111:8).

3. ¿Shamuj funchagunabi ima tucunada Bibliabu nishcagunabiga imamundadi confiai pudinchi?

Bibliabiga “narij fajtarishca” profeciaguna a tiyashcadashmi huillan (Isaías 46:10). Ñaupa tiempomundami ima tucunadaga ñauparashtimi ña huillarajushca. Ashtaunbish cunun tiempogunabi ima tucunada huillashcaga igualitomi fajtarijun. Cai leccionbiga Bibliabu huaquin profeciaguna verdad gashcadami yachashun.

 RESUMEN

Ciencia, historia y profeciagunaga Bibliabi ashtaun confiai pudishcadami rricuchin.

Repaso

• ¿Bibliabi huillashcagunaga ciertoshi gan, o yanga parrlogunalla gan?

• ¿Cienciaga imashinadi Bibliabi yachachishcaga cierto gan nin?

• ¿Biblia shamuj funchagunabi ima tucunada huillajtaga quiquinga cringuillu? ¿Imamundadi shina yuyangui?