Mana rasun kaq yachatsikïkuna

APÓSTOL Pablu 60 watakunachö cristiänokunaman cartakurmi kënö nerqan: “¡Paqtataq, pipis mana allita creyitsiyäshurniqui, shumaq parleninwan llutanta yachatsiyäshunquiman! Tsëno mandacur yachatsicuyanqanqa nunacunapa yarpenincunallam” (Colosenses 2:8).

Tsënö nikaptimpis, 150 watakunapita witsëpam filósofo nishqan estudioso nunakuna yachatsikuyanqantawan, Diospa yachatsikïninta cristiänokuna takur qallëkuyarqan. ¿Imapaqtaq tsëta rurayarqan? Romänokuna gobernayanqan witsanchö estudioso nunakuna Diospita yachakïta munayänampaq, y tsënöpa más nunakuna cristiano tikrayänampaqmi.

Manaraqpis kë Patsaman shamur, Grecia nacionchö filósofo nishqan estudioso nunakunata Verbo (Diospa Tsurin) parlapanqantam, Justino Mártir nishqan cristiänopis creerqan. Pë y wakin teölogokunam, mana rasun kaq yachatsikïkunawan y nunakunapa yarpëninkunallawan cristiano religión më tsëchö reqishqa kanampaq rurayarqan.

Justino Mártir yachatsikonqankunata creirmi, más nunakuna cristiano religionman yëkuyarqan. Y tsë mana rasun kaq yachatsikïkuna patsakänanta munarmi, huk yachatsikïkunatana yuritsiyarqan, tsënöpam tukï mana rasun kaq yachatsikïkuna kan, tsëkunatam kananqa atska religionkuna alli yachatsikïtanö rikäyan. ¿Musyëta munankimantsuraq mëqan yachatsikïkuna mana rasun kaq kanqanta? Atska respetashqa librokuna ima nenqanta y Biblia imata yachatsikonqanta qateqninchö leirinëkipaqmi niriyaq.

[3 kaq päginachö pikunapa kanqan]

Diablu: Barrators—Giampolo/The Doré Illustrations For Dante’s Divine Comedy/Dover Publications Inc.; angelkuna: Art Resource, NY; Kima Dios Hukllëllachö: Museo Bardini (Florencia)