Salmus 31:1-24
Cantaqkunata dirigeqpaq. David qellqanqan salmus.
31 Teyta Jehovä, qammanmi defendimänëkipaq shamü,+ama permitïkuytsu noqapita asikuyänanta.+
Qamqa alli ruraqmi kanki, salvëkamë.+
2 Qayakamuptï wiyëkamë,y jinan höra shamur salvëkamë,+jatun jirkanö y alli murallashqa markanö tsapëkamë.+
3 Teyta Dios, qammi kanki tsapämaq jatun qaqanö y alli següru markanö.+
Jutikirëkurmi+ allita ruranäpaq yanapamanki y cuidamanki.+
4 Qamqa alli segurashqa markanömi kanki,+tsëmi chikimaqkuna churayämunqan trampapita salvamanki.+
5 Makikichömi vïdäta dejëkallämü,+qammi salvamarqunki Teyta Jehovä,qamqa rasumpa kaqllatam parlanki y cumplinkim.+
6 Mana väleq santukunataqa chikïmi,noqaqa qammanmi confiakamü Teyta Jehovä.
7 Qamqa sufrinqä y llakikunqä höram yanapamanki,+tsëmi alläpa kuyakoq kanqëkipita imëpis kushishqa kä.
8 Teyta Dios, chikimaqkunapitam salvamarqëki,y alli següru sitiumanmi pushamarqëki.
9 Teytallä Jehovä, kallpannaqmi këkä, yanapëkallämë,alläpa yarpachakur waqaptïmi nawïpis alliqa rikannatsu,+ cuerpüpis qeshyananmi.+
10 Alläpa llakikurmi allinatsu këkä,+alläpa waqarmi awkinyärïna,+jutsata* ruranqäpitam kallpäpis ushakäriny tullükunapis manam allinatsu.+
11 Llapan chikimaqkunam noqapita burlakuyan,+vecïnükunaran masqa.
Llapan reqimaqkunapis mantsayämanmi,purikaqta rikäramarqa qeshpirmi ëwakuyan.+
12 Wanushqatanönam o wañushqatanönam qonqëkayämashqa, manam yarpäyämannatsu,pakir ushakashqa mankanömi këkä.
13 Imëka mana allita rurayämänampaq yachatsinakuyaptinmi+ alläpa mantsakä.
Llapankuna juntakëkurmi wanutsiyämänampaq parlayan.+
14 Peru noqaqa Teyta Jehovä, qammanmi confiakamü,+Diosnï kanqëkitam willakü.+
15 Qampa makikichömi këkällä,chikimaqkunapita y wanutsiyämänampaq ashimaqkunapita salvëkallämë.+
16 Dios Yaya, qamqa alläpa kuyakoqmi kanki,noqalläqa sirwishoqnikim kallä.
Alli nawikipa rikëkallämë, salvëkallämë.+
17 Teyta Jehovä, qammanmi qayakëkämü, ama penqakuychö dejëkallämëtsu.+
Mana allita ruraq nunakuna penqakushqa quedayätsun,+llapankuna Sepultürachö* ushakäyätsun.+
18 Allita ruraq nunakunapaqmi ulikuyan o llullakuyan.
Puëdeq tukurmi y alli tukurmi parlar despreciayan.
Tsënö nunakunapa shiminkuna wichqakätsun.+
19 ¡Teyta Dios, qamqa alläpa allim kanki!+
Tsëmi cäsuyäshoqnikikunata*+ y defendinëkipaq qamman shamoqkunata yanapanki.+
20 Mana alli nunakuna mana imanayänampaqmi, kuyanqëki nunakunata alli següru sitiuman pakanki,+mana qayapäyänampaqmi alli següru wayikiman pakanki.+
21 Teyta Jehovä, alabashqa këkullë.
Këkanqä markata ushakätsiyänampaq entëru lädupa chikimaqkuna churanakushqa kayaptimpis,+ qammi alläpa kuyakoq kar salvamarqëki.+
22 Alläpa mantsakarmi nirqä:
“Kananqa rikëkämaptikichi wanutsiyämanqa”.+
Peru qamman rogakamur mañakamuptïqa, wiyamarmi salvamarqëki.+
23 Cäsukoq kaqkuna, Teyta Jehoväta kuyayë,+cäsukoq kaqtaqa Teyta Jehovämi defendin.+
Peru orgullösu+ kaqkunataqa castiganmi.
24 Teyta Jehoväman confiakoqkuna,+valienti kayë, ama mantsakäyëtsu.+
Nötakuna
^ Kënöpis niyanmi: pecäduta.
^ Hebreu idiömachöqa “mantsashoqnikikunata” ninmi. Rikäri “Bibliachö palabrakunata entiendinapaq” neqta.
