Isaïas 45:1-25
45 Noqa Jehovämi akranqä Cïruta+ derëcha kaq makimpita tsarëkä,+y mëtsë nacion nunakunata dominanampaq+y gobernaqkunata kallpannaqta dejanampaqmi yanapashaq.
Puntanta ëwarmi ishkan läduman kichayänan punkuta kichashaqy manam wichqaranqanatsu.
Akranqä Cïrutam këta nï:
2 “Qampa puntëkita ëwarmi+taksha jirkakunata pampatsäshaq.
Cobripita punkukunatam ushakätsishaq,y punkuta segurayänampaq churayanqan fiërrutam pakishaq.+
3 Noqa Jehovä kanqäta, Israelpa Diosnin kanqätay qamta jutikipa qayanqaqta+ musyanëkipaqmi,ampirëkaq o tsakëkaq* y mana rikäyänan sitiukunachö këkaqalläpa väleq cösaskunata entregashqëki.+
4 Sirwimaqnï Jacobpa kastankunamany akranqä Israelpita nunakunaman yarpëkurmi qamtaqa jutikipa qayarqoq.
Mana reqikämaptikipis mëtsëchö reqishqa kanëkitam permitishaq.
5 Noqam Jehovä kä, y manam jukqa kantsu.
Y noqapita masqa, manam ima Diospis kantsu.+
Mana reqikämaptikipis, noqam kallpayoq kanëkipaq yanapashqëki.
6 Tsëtaqa rurashaq, inti o rupay yarqamunan kinrëpita,inti o rupay jeqanan kinrëyaq nunakuna,noqapita jukqa mana kanqanta musyayänampaqmi.+
Noqam Jehovä kä, y manam jukqa kantsu.+
7 Noqam junaqtapis+ y ampitapis o tsakëtapis*+ kamarqö.
Noqa permitiptïmi nunakunaqa yamë kayan+ o imëka mana allikunata pasayan.+
Awmi, noqa Jehovämi tsë llapankunata rurä.
8 Ciëlukuna, alli kaq rurëta tamyatanö shututsiyämuy.+
Awmi, pukutarëkaq ciëlukuna, alli kaq rurëta shututsiyämuy.
Tamyamuptin patsachö imëka wayunqannömisirwimaqnïkunapis salvashqa kayanqa y alli kaqta rurarllana kawakuyanqa.+
Noqa Jehovämi tsënö kanampaq permitishaq”.
9 ¡Allaw, wakin mitunölla patsachö jitarëkary ichiklla mitulla këkar ruraqninwan* discuteq* nuna!
¿Mituqa mituwan trabajaqta,*‘imatataq ruranki’ ninmantsuraq?+
¿Y rurashqa kaqtsuraq ruraqninta, ‘qampaqa manam makiki kantsu’ ninman?
10 ¡Allaw, papäninta ‘¿imapaqtaq ruramarqunki?’ neq.
Y mamäninta, ‘¿imapaqtaq wachamarqunki?’* neq wamra!
11 Kamashoqniki y Israelpa Limpiu Diosnin+ Teyta Jehovämi nin:
“¿Qamkunaku shamoq tiempuchö ruranäpaq kaqkuna alli o mana alli kanqanta niyämanki?
¿O qamkunatsuraq tsurïkunawan+ y imëkata ruranqäwan imata ruranäpaq kaqta niyämanki?
12 Noqam patsata+ y tsëchö kawaq nunata kamarqä.+
Noqam makïkunawan ciëlukunata mashtarqä,+y ciëluchö llapan kaqkunatam mandä”.+
13 Angelkunata mandaq Teyta Jehovämi këta nin:
“Alli kaqta rurarmi juk nunata akrarqö,+ y pë ëwanampaq kaq nänitam pampatsäshaq.
Pëmi markäta ruranqa+ y mana päguta chaskirlla+ y imatapis mana chaskipakurllamjuk nacionman apashqa kayanqampita sirwimaqnïkunata salvamunqä”.+
14 Teyta Jehovämi këta nin:
“Egiptu nunakuna ganayanqan* y Etiopïapita nunakuna rantikuyanqanmi* qamkunapana kanqa.
Tsënöllam Sëbapita jatusaq nunakunapis qamkunaman shayämunqa, y qamkunapana kayanqa.
Pëkunaqa qepëkikunatam cadenashqa shayämunqa, y qamkunaman shamurmi puntëkikunaman qonqurikuyanqa.+
Puntëkikunaman puktïkurmi o umpuykurmi kënö niyäshunki:
‘Qamkunawan Dios këkanqantam+ cuentata qokuyarqö, y manam jukqa kantsu.
Awmi, manam juk Diosqa kantsu’”.
15 Israel nunakunapa Teyta Diosnin y Salvaqnin,qamqa manam llapan nunakunatatsu ruranqëkikunata musyatsinki.+
16 Llapan nunakunam penqakuychö ushayanqa y allqutsashqa kayanqa.
Santukunata ruraqkunapis penqakuychömi ushayanqa.+
17 Qamkunataqa Israel nunakuna, Teyta Jehovämi imëyaqpis salvayäshunki.+
Qamkunaqa manam imëpis penqakatsishqanatsu ni allqutsashqanatsu kayanki.+
18 Noqa, ciëlukunata kamaqDios Yaya+ Jehovämi patsata kamarqö,y këkanqanmanmi alli patsätsirqö.+
Patsataqa manam mana kaqllapaqtsu* kamarqö,sinöqa nunakuna tsëchö kawayänampaqmi.+
Y noqam këta nï: “Noqam Jehovä kä, y manam jukqa kantsu.
19 Noqaqa manam pakarëkaq sitiuchötsuni ampirëkaq o tsakëkaq* patsachötsu parlarqö.+
Y manam Jacobpa kastankunata ardëlla* ‘ashiyämë’ nirqötsu.
Noqam Jehovä kä. Noqaqa alli kaqllatam parlä, y rasun kaqllatam willakü.+
20 Juntakäyë y shayämuy.
Qamkuna, nacionkunapita qeshpir ëwakoqkuna llapëki juntu noqaman shayämuy.+
Santukunata puritseqkunaqa manam imatapis musyayantsu,y mana yanapëta puëdeq santukunamanmi mañakuyan.+
21 Pasakunqanta willakuyë, y niyanqëkikuna rasumpa kanqanta rikätsikuyë.
Y tsëta rurayänëkipaq jukniki juknikikuna parlayë.
¿Pitan unëpitana tsëkuna pasakunampaq kaqta nishqay pitan unëpitana tsëkuna pasakunampaq willakushqa?
¿Manaku noqa Jehovä tsëta rurarqö?
Noqapita jukqa manam ima Diospis kantsu.
Noqaqa alli kaqta ruraq Dios y Salvakoqmi kä,+ y manam noqapita jukqa kantsu.+
22 Patsapa mas karu kuchunchö kawaqkuna, salvakuyänëkipaq noqaman shayämuy.+
Noqallam Dios kä, y manam jukqa kantsu.+
23 Kikïpa jutïchömi jurarqö.
Parlanqäqa rasumpa kaqllam,y ninqänöllam cumplikanqa.+
Llapan nunakunam puntäman qonqurikayämunqa,y llapankunam mana dejayämänampaq änikuyanqa.+
24 Y kënömi niyanqa: ‘Teyta Jehoväqa imëpis allitam ruran y alläpa puëdeq Diosmi.
Pëwan llapan cölerakoqkunaqa pëpa puntanchömi penqakuychö ushayanqa.
25 Teyta Jehovä permitiptinmi llapan nunakuna musyayanqa Israelpa kastankuna rasumpa kaqta niyanqanta.+
Y përëkurmi Israelchö nunakunapis alabakur parlayanqa’”.
Nötakuna
^ Kënöpis niyanmi. tutapëkaq.
^ Kënöpis niyanmi: tutapëtapis.
^ O “kamaqninwan”.
^ O “pelyaq”.
^ O “Mituqa ruraqninta”.
^ O “¿wachanëkipaqku nanatsikur këkanki?”.
^ O capazchi “Egiptu nunakunapa trabajaqninkuna”.
^ O capazchi “Etiopïapita negociantikuna”.
^ O capazchi “tsunyaq sitiu kananllapaqtsu”.
^ Kënöpis niyanmi: tutapëkaq.
^ Kënöpis niyanmi: yaptalla.
