Ri testigos rech Jehová kkikoj kʼi taq traducciones rech ri Biblia are chiʼ kkinikʼoj uwach. Are kʼu más utz kkinaʼo kkikoj ri Traducción del Nuevo Mundo che kʼo pa kʼi taq chʼabʼal, rumal che kukoj ri ubʼiʼ ri Dios, tzʼaqat y kʼax ta uchʼobʼik ri tzij kukojo.

•   Kukoj ri ubʼiʼ ri Dios. Konojel ta ri Biblias kkikoj ri ubʼiʼ ri Dios. Jun kʼutbʼal, jun Biblia kubʼij más che 70 bʼiʼaj e kech winaq che xetobʼan che uqʼaxexik ri Biblia pa jun chi chʼabʼal, are kʼu nijun mul kuya ubʼixik ri ubʼiʼ ri Dios: Jehová.

   Are kʼu, ri Traducción del Nuevo Mundo kukoj ri ubʼiʼ ri Dios pa ri lugar che rajawaxik kbʼe wi xuqujeʼ kuya ta ubʼixik ri kibʼiʼ ri winaq che xetobʼan che ubʼanik ri Biblia.

•   Tzʼaqat. Kʼo jujun taq Biblias tzʼaqat ta ri kkiya ubʼixik. Jun kʼutbʼal, jun chke ri Biblias kukoj ri e tzij riʼ pa Mateo 7:​13 «Are chiʼ xok pa ri latzʼ uchiʼja rumal che nimalaj uwach ri uchiʼ ja e jamalik ri bʼe che kukʼam bʼi pa ri qʼaqʼ». Are kʼu, pa ri ojer taq wuj man kʼo ta ri tzij «qʼaqʼ» chupam, xaneʼ kukoj ri tzij «sachbʼal wachaj». Ri traductores xkichomaj che konojel ri itzel taq winaq kebʼe pa qʼaqʼ. Are kʼu, ri Biblia kutoʼ ta uwiʼ wajun chomanik riʼ. Rumal laʼ, ri Traducción del Nuevo Mundo kukoj ri tzij «sachbʼal wachaj», junam che kʼo pa ojer taq wuj.

•   Kʼax ta uchʼobʼik ri tzij kukojo. Jun utzalaj traducción kraj kubʼij, che rajawaxik tzʼaqat ri kuya ubʼixik y kchʼobʼotaj ri tzij che kukojo. Jun kʼutbʼal, kʼi taq Biblias kkikoj ri e tzij riʼ pa Mateo 5:3: «Utz kech ri mebʼaʼibʼ pa ri kuxlabʼal». Are kʼu e kʼi winaq kkichʼobʼ ta chi ri e tzij riʼ kimik. Rumal laʼ, ri Traducción del Nuevo Mundo kukoj ri e tzij riʼ: «Utz ke ri kkichʼobʼo che kajwataj ri Dios chke».

 Ri Traducción del Nuevo Mundo kukoj ri ubʼiʼ ri Dios, tzʼaqat ri kuya ubʼixik y kchʼobʼotaj ri e tzij kukojo. Are kʼu, kʼo jun chi jastaq che kbʼanowik che kjunamataj ta kukʼ nikʼaj chi Biblias: are che man kloqʼ taj. Wariʼ kubʼano che sibʼalaj e kʼi winaq kekunik kkisikʼij ri Biblia pa ri kichʼabʼal paneʼ kʼo ta kipwaq che uloqʼik jun.