Ri Biblia kubʼij chqe che kqaya rukʼ ronojel qanimaʼ ri kʼo qukʼ. Are chiʼ kqabʼano, xaq xiw ta kkikot ri winaq che kkʼamow ri sipanik xaneʼ xuqujeʼ kojkikot oj (Proverbios 11:25; Lucas 6:38). Ri Jesús xubʼij: «Areʼ sibʼalaj utz na re ri kyanik chuwach ri kkʼamowik» (Hechos 20:35).

•  ¿Jampaʼ utz che kojyanik?

•  ¿Jampaʼ utz che kojyan taj?

•  Textos che kchʼaw chrij ri uyaʼik ri kʼo qukʼ

 Kuya utzilal chqe are chiʼ kojyan rukʼ ronojel qanimaʼ. Ri Biblia kubʼij: «Chijujunal bʼaʼ chiyaʼ jas ri kpe pa iwanimaʼ, man rukʼ ta bʼis, mawi rumal ta rech chi xaʼ ta kkoj chuqʼabʼ chiwe. Ri Dios kʼut kuloqʼoqʼej ri kyaʼn rukʼ kikotemal» (2 Corintios 9:7).

 Ri Dios kraj che kqaloqʼoqʼej rukʼ ronojel qanimaʼ (Santiago 1:27). We keqatoʼ ri kʼo kajwataj chke, tajin kojtobʼan rukʼ ri Dios, je wariʼ tajin kqaya jun qajanik che ri Dios y ri areʼ kutoj na ukʼaxel chqe (Proverbios 19:17). Ri Biblia kubʼij che ri Dios kojutewchij na (Lucas 14:12-14).

 Utz taj kojyanik are chiʼ xa kʼo kqaj. Jun kʼutbʼal:

•   Are chiʼ xa knimarisax qaqʼij (Mateo 6:2).

•   Are chiʼ xa kʼo kqaj kyaʼ chqe (Lucas 14:12-14).

•   Rumal che kqaj che kojkolotajik (Salmo 49:6, 7).

 Are chiʼ kqatoʼ uwiʼ jun jastaq che utz ta kril ri Dios. Jun kʼutbʼal, utz taj che kqaya pwaq che jun winaq che kukoj che ubʼanik apostar o che kuloqʼ tzam che o xa kuloqʼ drogas (1 Corintios 6:9, 10; 2 Corintios 7:1). Xuqujeʼ utz taj che kqaya pwaq che jun winaq che xa kraj taj kchakunik (2 Tesalonicenses 3:10).

 Are chiʼ kojuqʼatej che ubʼanik ri eqeleʼn che uyaʼom ri Dios chqe. Ri Biblia kubʼij che ri kʼamal bʼe pa ri familia rajawaxik kuya ri kajwataj che ri ufamilia (1 Timoteo 5:8). Utz ta riʼ che kuya ta ri kajwataj che ri ufamilia xa rumal che kuya chke nikʼaj chik. Ri Jesús xubʼij che e jujun winaq kkiya ta ri kajwataj chke ri kitat kinan che nim chi kijunabʼ xa rumal che kkibʼij che ri jastaq ke kkisipaj che ri Dios (Marcos 7:9-13).