Señorninchej Jesucristotaqa sajra runas mayta ñakʼaricherqanku. Paykunaqa qhasimanta tumpaykorqanku, sinchʼita maqaykorqanku, mana justiciata ruwaporqankuchu, mayta ñakʼarichispataj wañucherqanku. Jinapis Jesusqa mana juchayoj kaspapis ‘kausayninta qorqa ashkha runasta kacharichinanpaj’ (Mateo 20:28; Juan 15:13). Jesusqa kunan Diospa Gobiernonmanta Reyña. Tumpamantawantaj wiñaypaj sajra runasta, suwastapis chinkachenqa, justiciatataj tukuypaj ruwanqa (Isaías 42:3).

 Bibliaqa willawanchej Jesús sajra runasta chinkachejtin jallpʼanchej kay jina kananta:

•   “Niña sajra runas kanqankuñachu. Maypichus karqanku chaynejta qhawarejtiykeqa, manaña kanqankuñachu. Llampʼu sonqoyoj runastajrí kay jallpʼata herenciata jina japʼenqanku, ni ima llakiyniyojtaj allin kusisqa kausakonqanku” (Salmo 37:10, 11).

 Jesús noqanchejrayku wañusqanmanta, tumpamantawan imastachus noqanchejrayku ruwananmantapis, ¿imaynatataj Jesusman agradecekusunman? Lucas 22:19 versiculopi, Jesusqa kamachisninman nerqa wañuyninta yuyarikunankuta. Chayrayku Jehovaj testigosnenqa sapa wata Jesuspa Wañuyninta Yuyarinapaj tantakuyta ruwayku. Qanpis noqaykuwan khuska Jesuspa wañuyninta yuyarikuwaj. Chay sumaj tantakoyqa kanqa kay domingo 24 de marzo de 2024.

Maypí Jesuspa Wañuyninta Yuyarinapaj tantakuy ruwakonqa