Mundontinmanta Jehovaj testigosnenqa watapi uj kutita tantakuyku Jesuspa Wañuyninta Yuyarinaykupaj. Chaymantaj tukuy runasta wajyariyku. Chay tantakuytaqa Jesús kamachisqanman jina ruwayku (Lucas 22:19). Chay tantakuypeqa yachakuyku imaraykuchus Jesús wañunanpuni karqa chayta. Yachakullaykutaj imaynatachus Jesuspa wañuynin kunan yanapashawasqaykuta, imaynatachus aswan qhepamanpis yanapanawaykuta (Juan 3:16).

 Jesuspa Wañuyninta Yuyarinapaj tantakuyman kay wata rejtiykipis manapis, ¿imatá ruwawaj Jesuspa wañuynin yanapasunanpaj? Jesusqa nerqa iskay imasta ruwanapuni kasqanta.

1.  1. Diostawan Jesustawan rejsina. Jesusqa uj oracionpi Tatanman kayta nerqa: “Kaymin wiñay kausayqa: Qan kʼata cheqa Diosta rejsisunanku, kachamusqayki Jesucristotapis”, nispa (Juan 17:3).

2.  2. Bibliamanta yachakusqanchejman jina kausakuna. Jesús nerqa yachachisqanman jina kausakuna kasqanta. Jesusqa Orqopi yachachishaspa nisqanta uyarejkunata, nisqanman jinataj ruwajkunata allinta ruwasqankuta nerqa (Lucas 6:46-48). Waj kutipitaj kayta nillarqataj: “Qankunaqa chay imasta yachankichejña, chaykunata ruwaspataj kusisqa kankichej”, nispa (Juan 13:17).

 ¿Diosmantawan Jesusmantawan astawan yachakuyta munawajchu? ¿Imaynatá Bibliamanta yachakusqaykiman jina kausayniykipi ruwawaj? Chaypaj ashkha yanapas tiyan.

 Bibliamanta yachachisqaykoqa ashkha runasta yanapan Bibliaj nisqasninta entiendenankupaj, yachakusqankuman jinataj kausakunankupaj.

•   ¿Imastá yachakunki Bibliata estudiaspa? Chayta yachanaykipaj “Jehovaj testigosninwan Bibliamanta yachakuy” nisqata leeriy.

•   Imaynatachus Bibliamanta yachachisqaykuta yachanaykipajqa kay videota qhawariy: May sumajpuni Bibliamanta yachakuyta munasqayki.

 Jehovaj testigosnenqa semanapi iskay kutita tantakuyku. Chay reunionespeqa yachakuyku Bibliamanta, imaynatachus yachakusqaykuman jina kausayniykupi ruwanaykutapis.

 Reunionesniykumanqa tukuy riyta atinku, chayman rinaykipajqa mana Jehovaj testigonpunichu kanayki tiyan. Wakin lugarespeqa atiwaj tantakuykunaman Internetnejta conectakuyta chayri tantakuna wasimanpuni riyta.

•   Imaynachus tantakuykunasniyku kasqanta yachanaykipajqa ¿Imaynataj tantakuykunasniyku? nisqa videota qhawariy.

•   Tiyakunki chay lugarpi maynejpichus reunionesta ruwasqaykuta yachanaykipajqa “Tantakuykunasniykuman jamuriy” nisqaman yaykuy.

 Imastachus Señorninchej Jesús yachachisqanmanta, kausayninta qosqanmantawan astawan yachakunaykipajqa, kay jw.org nisqapi ashkha yachaqanasta, videosta ima tariwaj.

 Imaynatachus uj runaj wañuynillan ashkha runasta yanapasqanta yachanaykipajqa, kay yachaqanasta leeriy: “¿Imaynatá Jesús salvawanchej?”, “¿Imaraykú Jesús wañorqa?”. Chantapis kay videota qhawariwaj: ¿Imapajtaj Jesús wañorqa?