Jallpʼantinpi aswan rejsisqa libroqa, Biblia. ¿Imarayku? Imaraykuchus noqanchej jina runasmanta parlan. Chantapis imaynatachus paykuna wajkunawan, Dioswan ima kausakusqankuta willawanchej. Yachachiynenqa kausayninchejpi mayta yanapawasunman. Tukuypaj jina qhelqasqa kasqanrayku, may chhika qallusman tijrachikun. Chayrayku tukuynejmanta runas, ima tiempopi kausaspapis entiendeyta atinku. Bibliaj yuyaychaykunasnenqa, tukuy tiempopi yanapawanchej.

Chantapis mana Diosmanta parlaj librollachu, manaqa Diospa libronpuni. Chaypeqa, Diospa sutinta, imaynachus kasqanta, imatachus Jallpʼapaj, runaspaj ima munasqanta yachasunman. Chantapis allin kajwan sajra kajwan uj maqanakupi jina kasqankumanta parlan, maypichus allin kaj atipanqa. Bibliata llampʼu sonqowan leespaqa, creeyniyoj, suyakuyniyojtaj kasun.

Ashkha imasta Bibliata leespalla yachasunman. Sutʼinchanapaj, kay jina tapuykunaman kutichin:

• ¿Maymanta jamunchej? ¿Imaraykutaj ñakʼarinchej?

• ¿Imatá Dios runata salvananpaj ruwarqa?

• ¿Imatá Jesús noqanchejrayku ruwarqa?

• ¿Imapí Jallpʼa, runas ima tukonqanku?

Imamantachus Biblia parlasqanta astawan yachanaykipaj, kay jamoj yachaqanasta leeriy.