¿Yuyarikunkichu?

¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?

• ¿Ima yuyaychaykunataq kunallanraq casarasqaspaq tiyan?

Jehovamanta yanapata mañakunanku tiyan. Imaraykuchus Pay, qhariwarmi kawsaymanta sumaqta yachan, yuyaychaykunasnintataq kasukunanku tiyan. Puraqmanta tapurinakunanku, kʼachamanta parlarinanku, qhariwarmi kawsayman yachakunanku, maychus kaqllatataq yuyananku ima, tiyan (1/10; 10-13 paginaspi).

• ¿Piwantaq Caín warmichakurqa?

Cainpa warminqa, Evap mirayninmanta karqa, paypa wawasninqa, “qharis, chantá warmis” ima, karqanku (Gén. 5:4) (1/8; 18 paginapi).

• ¿Mayqin Angeltataq Dios, israelitasta Egipto llaqtamanta lluqsichkaptinku pusananpaq kacharqa? (Éxo. 23:20, 21.)

Ñawpa Churinta, imaptinchus Jehovaqa, “noqaj sutiypi ruwanqa” nirqa, paytataq Jesús sutiwan riqsinchik (15/9; 21 paginapi).

• ¿Ima qanchis yanapaykunataq Bibliata entiendenapaq yanapawasun?

Chiqan yuyaywan ñawiriy, juk sumaq Bibliata maskʼakuy, Diosmanta mañakuy, sapa pʼunchay ñawiriy, tukuy imaymanamanta ñawiriy, tʼukuriy, yanapata maskʼay (1/10; 19-21 paginaspi).

• ¿Jehovata yupaychayninchikpi imastaq achakislla kanman?

“Mana atinapaqjina”. “Mana sunquy aysawanchu”. “Mana tiempoyuq kani”. “Mana atinaypaqjinachu kani”. “Sunquyta nanachiwanku”. Chay rimaykunaqa, achakislla kanku. Diospa kamachisqanta juntʼanapaqqa, mana chay achakista churananchikchu tiyan (15/10; 12-15 paginaspi).

• ¿Imatataq tantakuykuna tukuyta kallpachanawanchikpaqjina kananpaq ruwananchik tiyan?

Ñawpaqmanta wakichikuy. Ama faltakuychu. Tiemponpi chayay. Publicacionesta apay. Allinta uyariy. Tapuykunaman kutichiy. Kutichichkaspa pisillata parlariy. Qutuchakuypi ruwanasniykita juntʼay. Wakkunata allinta ruwasqankuta niy. Wakkunawan parlariy (15/10; 22 paginapi).

• ¿Imaraykutaq Jesús politicaman mana chhapukurqachu?

Jesusllataq nirqa: “Reinoyqa mana kay pachamantachu”, nispa (Juan 18:36). Chayta nichkaptinqa, Diospa Reinonpi Rey kayta suyakuchkarqa. Chayrayku, politicapichus chhapukunman karqa chayqa, Tatanpa kamachiyninta wasanchanman karqa (1/10; 22 paginapi).

• Aarón juchaman tanqasqa kaspa urmasqanmanta, ¿imatataq yachakunchik?

Aarontaqa, Moisés mana paywan kanankama, israelitas juk lantita ruwananpaq tanqarqanku. Rikunchikjina, mana waynas, sipaskunallatachu, wakkuna saqra kaqman tanqankuman. Manaqa, machu runastapis, paykuna imachus allin kasqanta yachaptinkupis. Chaywanpis, chayta atipananchik tiyan (15/11; 8 paginapi).

• ¿Imaraykú Jesús, Lazarota mana usqhayllata jampirqachu?

Jesusqa, Lázaro tawa pʼunchay wañusqa kasqanmantaraq chayarqa. Jesús amigonta mana usqhayllata yanapaspaqa, Tatanpa atiyninta aswan sumaqta rikuchiyta munarqa. Arí, Jesusqa maychus tiemponpi chayta ruwarqa. Chayrayku, achkhas Jesuspi creerqanku (1/10; 14, 15 paginaspi).