¿Imaynatá sapa leccionta estudiawaj?
Uj Jehovaj testigonwan yanapachikuy. Chaypajqa kay publicacionta pichus qosorqa chay testigowan estudiawaj, manachayrí jw.org nisqaman yaykuspa uj testigo visitasunanpaj qhelqawaj.
ÑAUPAJ KAJ PARTE
Tukuynin parrafosta leeriy. (A) Sapa tapoyqa numerosniyoj. (B) Bibliamanta orqhosqa versiculosqa yana letritaspi rikhurin, chayqa aswan sumaj willaykuna kashan. Chantapis wakin versiculosqa leenapaj kashan, nishantaj “leey” nispa.
ISKAY KAJ PARTE
(C) “Astawan yachakuna” nisqapi willashan imamantachus chay partepi yachakunata. (D) Chaypi kaj numerosniyoj subtitulosqa aswan allin willaykuna kashan. (E) Chantapis chaypi kaj versiculosta leey, tapuykunaman kutichiy, videostapis qhawariy.
(F) Dibujosta qhawariy, ladonpi rikhurej letrastapis leeriy. (G) Chantá allinta piensariy “Wakin runas ninku” nisqapi.
KINSA KAJ PARTE
(H) Sapa leccionpa tukukuyninpi tarinki “¿Imastá yachakunchej?” nisqata, “Yuyarikunapaj” nisqatawan. (I) Sapa leccionta estudiayta tukusqayki diata anotakuy, “Tarea” nisqatapis ruway. (J) “Astawan yachakunaykipaj” nisqapi tarinki videosta, waj yachaqanastawan.
¿Imaynatá Bibliapi versiculosta maskʼawaj?
Ñaupajta maskʼay (A) ima librochus kasqanta, chantá maskʼay (B) capitulota, (C) versiculotawan. Juan 17:3 tarinaykipajqa maskʼariy Juan librota, chantá 17 capitulota, chaymantataj 3 versiculota.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
