FAMILIAQA, jukchasqa kawsakunanpaq ñawpaqmantapachaña churasqa karqa, kunan tiempopitaq may jatuchaq chʼampaykunasniyuq. Wakinkunaqa, achkha familiaspi waynas drogakusqankuta, khuchichakusqankuta, tatas divorciakusqankuta, maqanakusqankuta, tatalla chayri mamalla wawasninkuta uywachkasqankuta, wak chʼampaykunasniyuq ima kachkasqankuta rikusqankurayku, familias chinkapuchkasqankuta nispa ninku.

¿Atinmanraqchu familia sinchi sayayta, tukuyninku, kusisqa, jarkʼasqas ima kawsakunankupaq? Arí, tukuyninku imatachus ruwanankuta yachaptinkuqa. Kay yachayqa mana pakasqachu. Unaymantapachaña kay yachay familiasta yanapasqanta rikukun. ¿Ima yachaytaq chay? Kay libro, Imaynatá familiaykipi kusisqa kawsakuwaq, nisqa, kay tapuyman kutichin. Chantapis sutʼinchan imaynatachus kay “yachayqa” familiasta yanapanman jatuchaq chʼampaykunasninkuta atipanankupaq. ¿Manachu tukuypis kaymanta yachayta munasunman?