Ezequiel 30:1-26
30 Jehová Diosqa watejmanta niwarqa:
2 “Runaj wawan, profeta jina willay. Ninkitaj: ‘Tukuyta Kamachej Señor Jehová Diosqa kayta nin:
“Kay jinata waqaychej: ‘Ay imanallasunchus, chay pʼunchayqa chayamushanña’, nispa.
3 Chay pʼunchayqa chayamushanña, Jehová Diospa pʼunchaynin chayamushanña.+
Chay pʼunchayqa yanata phuyuykamonqa,+ chay pʼunchayqa nacionespaj señalasqa tiempo.+
4 Egiptoj contranta uj espada jamonqa, Etiopiataj sinchʼita mancharikonqa Egiptopi runas wañurajtinku,kapuyninta suwakapojtinku, cimientosnintapis thuñiykojtinku.+
5 Etiopiapis,+ Putpis,+ Ludpis, waj nacionesmanta tukuynin runaspis,*Cubpis, trato ruwasqa jallpʼaj wawasninwan khuska,*tukuyninku espadawan wañuchisqa kanqanku”’.
6 Jehová Diosqa kayta nin:
‘Egiptoman kutikojkunapis urmallanqankutaj,Egiptoj jatunchakusqanpis atiyninpis tukuchisqa kanqa’.+
”‘Chay nacionpeqa Migdolmantapacha+ Sienekama+ espadawan wañuchisqa kanqanku’, nispa nin Tukuyta Kamachej Señor Jehová Diosqa.
7 ‘Waj jallpʼasmantaqa aswan chʼinpacha qhepakonqanku, llajtasninpis waj llajtasmanta nisqaqa aswan thuñirpasqa kanqanku.+
8 Egiptopi ninata japʼiykuchejtiy, paywan ujchasqa kajkunapis tukuyninku chinkarpachisqa kajtinku, yachanqanku noqa Jehová Dios kasqayta.
9 Chay pʼunchayqa willajkunata barcospi kachasaj Etiopiata kharkatichimunankupaj, pay kikinpi atienekoj nacionta. Egiptoman llakiy pʼunchay chayamojtin manchayta mancharikonqa. Chay pʼunchayqa chayamonqapuni’.
10 ”Kayta nin Tukuyta Kamachej Señor Jehová Diosqa: ‘Egiptoj chay chhika runasninta* tukurparichisaj Babiloniaj reynin Nabucodonosorpa* makinman jaywaykuspa.+
11 Paytapis tropasnintapis pusamonqanku chay nacionta thuñiykunankupaj. Paykunaqa nacionesmanta aswan mana khuyarej runas kanku.+ Espadasninkuta orqhokonqanku Egiptoj contranpi, chay jallpʼamantaj wañusqasta juntʼaykuchenqanku.+
12 Nilo mayumanta llojsej canalestapis+ chʼakichisaj, chay jallpʼatataj sajra runaspa makisninkuman jaywaykusaj.* Chay jallpʼatapis, chay jallpʼapi kaj imastapis waj llajtayoj runaswan thuñiykuchisaj.+ Noqa Jehová Diosmin chayta nini’.
13 ”Tukuyta Kamachej Señor Jehová Diosqa kayta nin: ‘Millay santostapis tʼunarasaj, Nofmanta* qhasi manakaj diosesninkuta chinkachisaj.+ Manaña ima kamachejpis Egipto jallpʼamanta kanqañachu, Egipto jallpʼapi runasta manchaykuchisaj.+
14 Patrosta+ thuñiykusaj, Zoanpi ninata japʼiykuchisaj, Nota*+ juchachasqayman jina castigasaj.
15 Sinman phiñakuyniyta chayachimusaj, Egiptoj sumaj perqasniyoj llajtanman, Nopi tiyakojkunatapis qʼalata chinkarparichisaj.
16 Egiptopi ninata japʼiykuchisaj, Sintaj manchayta mancharikonqa. Nojpa perqanta urmaykuchenqanku. Nofmanqa pʼunchaypacha yaykuykonqanku.
17 Onmanta,* Pibesetmanta jovenesqa espadawan wañuchisqa kanqanku, llajtastaj presos apasqa kanqanku.
18 Tehafnehespi pʼunchay kashajtin laqhayaykonqa, chaypi Egiptoj yugonta pʼakejtiy.+ Jatunchakuyninpis atiyninpis tukukaponqa,+ phuyus pʼampaykonqanku, llajtasnintaj presos apasqa kanqanku.+
19 Egiptotaqa juchachasqayman jina castigasaj, paykunataj yachanqanku noqa Jehová Dios kasqayta’”.
20 Chunka ujniyoj watapi, ñaupaj killaj qanchis pʼunchayninpi Jehová Diosqa niwarqa:
21 “Runaj wawan, Egiptoj reynin faraonpa* makinta pʼakini. Mana jampiykuspa wataykonqankuchu, nitaj vendaswanpis maytʼuykonqankuchu ama espadata oqharinanpaj jina kallpan kananpaj”, nispa.
22 “Chayrayku Tukuyta Kamachej Señor Jehová Diosqa nin: ‘Noqaqa Egiptoj reynin faraonpa contranpi kashani.+ Makisninta pʼakisaj, sano makinta, pʼakisqa makintapis.+ Espadatapis makinmanta kacharichisaj.+
23 Chantá egipciostaqa nacionesman chʼeqerachisaj, suyusman tʼaqarasaj.+
24 Babiloniaj reyninpa makisninta kallpachasaj,*+ espadaytapis makinman churasaj.+ Faraontataj makisninta pʼakisaj, payqa ñaupaqenpi* manchayta qhaparikonqa, parti wañusqa runa jina.
25 Babiloniaj reyninpa makisninta kallpachasaj, faraonpa makisnintaj mana kallpayoj liwikaponqa. Paykunaqa yachanqanku noqa Jehová Dios kasqayta Babiloniaj reyninpa makinman espadayta churajtiy, paytaj espadayta Egipto jallpʼaj contranta oqharejtin.+
26 Egipciostaqa nacionesman chʼeqerachisaj, suyusman tʼaqarasaj,+ paykunataj yachanqanku noqa Jehová Dios kasqayta’”.
Sutʼinchaykunasnin
^ Chayri “tukuy laya runaspis”.
^ Ichapis Egiptowan ujchaykukorqanku chay israelitasmanta parlashan.
^ Chayri “tropasninta”.
^ Hebreo parlaypeqa nin, “Nabucodorosor”. Kay suteqa ajinatapis escribikullantaj.
^ Hebreo parlaypeqa nin, “vendeykusaj”.
^ Chayri “Menfismanta”.
^ No nispaqa Tebasmanta parlashan.
^ On nispaqa Heliopolismanta parlashan.
^ Faraonqa mana sutichu, manaqa Egiptomanta reyesta faraón nej kanku.
^ Chayri “reyninta aswan atiyniyojman tukuchisaj”.
^ Ñaupaqenpi nispaqa Babiloniaj reyninpa ñaupaqenpi qhaparikunanta nishan.
