Hermana Desicarqa sapallan wawanta uywan, paytaj astawan predicananpaj precursora regular kayta munarqa. Payqa Venezuela suyupi tiyakun. Chay suyupitaj ashkha llakiykuna tiyan qolqe pisiyasqanrayku. Jinapis Desicarqa mayta kallpachakuspa precursorapuni karqa. Precursora kasqanmantataj may kusisqa kasharqa. Jinallamanta coronavirus onqoy qallarerqa.

 Coronavirus onqoy qallarishajtenqa, Desicarqa mana yachaykukuyta atillarqachu waj jinasmanta willayman. Payqa mana predicayta atillarqachu cartasnejta, videollamadasnejtapis. Imajtinchus pay tiyakun chaynejpeqa Internet may valesqa. Hermana Desicar nin: “Desanimasqa kasharqani, imajtinchus manaña ñaupajta jinachu willasharqani. Chayrayku yuyarqani mana sumaj precursorachu kasqayta”, nispa.

 Chantá Venezuela sucursalpi llankʼaj Jehovaj testigosnenqa nerqanku enero de 2021 watapi waj jinamanta predicanapaj uj campaña ruwakunanta. Chay campañapeqa discursosta uyaricherqanku 60 radiosnejta jina, telepitaj 7 canalesnejta. Chaytataj chay killantinpi semana tukukuyta uyaricherqanku. Hermanosta kallpacharerqanku chay discursosta uyarinankupaj rejsisqasninkuman, wajkunamanpis willarinankuta. Chantapis sucursalmanta hermanosqa chay discursosman jina wakicherqanku tapuykunata, chantá Bibliamanta wakin versiculosta. Chayman jina hermanitos cartasnejta chayri celularnejta predicanankupaj. Chantapis sucursalmanta hermanosqa, chay suyumanta hermanosta kallpacharqanku mensajesta apachispa predicanankupaj. Ajinata predicay Venezuelamanta ashkha testigospajqa mosoj karqa.

 Hermana Desicarqa kusisqa kasharqa chay campañapi yanapakunanmanta. Payqa ni jaykʼaj mensajesnejta predicasqarajchu, jinapis chayta ruwayta aterqa. Chaywanpis yanapata necesitarqa. Pay nin: “Mana celularta, tabletata ima apaykachayta atillanichu”, nispa. Chayrayku warmi wawanwan yanapachikorqa. Uj mashkha kutista yacharichejtintaj hermana Desicarqa, chay campañapi mensajesta apachispa willananpaj wakichisqaña kasharqa.

 Hermana Desicarqa celularninnejta mensajesta rejsisqasninman apacherqa telepi chayri radiopi discursosta uyarinankupaj. Hermanaqa may kusisqa kasharqa allin risqanmanta. Imajtinchus mensajesninta leerqanku chaykunamanta wakenqa, discursosta uyarerqanku, wakin imastataj hermanata taporqanku. Chay discursosta mana uyariyta aterqankuchu chaykunataj, hermanata taporqanku imamantachus chay discursospi parlakusqanmanta. Hermana Desicar nin: “Tapuwarqanku chaykunamanqa, anotakusqayman jina kuticherqani. Chantapis ni jaykʼaj phishqa revisitasmanta astawan ruwajchu kani. Jinapis chay campaña killa tukukuypajqa 112 revisitastapuni ruwasqani”, nispa. a

 Hermana Desicarpa kuraj hermananqa mana testigochu, wasin chaynejllapitaj tiyakun. Desicarqa hermananta invitarerqa radiopi discursosta uyarinanpaj. Desicar nin: “Hermanayqa radiopi discursosta uyarinanta nejtiy ‘ya’ niwarqa. Mana creerqanichu ‘ya’ ninawanta. Chaymantataj sapa domingo ocho de la mañanata wasinpi iskayniyku discursosta uyarej kayku. Payqa discurso kashajtin, jinallataj discurso pasayta ashkha imasta tapuwaj”, nispa. Chantapis Desicarpa hermananqa Jesuspa Wañuyninta Yuyarinapaj tantakuyta Internetnejta uyarerqa. Mana chayllachu Desicartapis saqerqa Internetninman conectakunanta predicananpaj.

 Pay nillanpuni: “Mayta Jehovata agradecekuni, congregacionniymanta ancianostapis mayta agradecekullanitaj kallpachawasqankumanta. Paykunaqa watejmanta kusiywan willanaypaj yanapawarqanku”, nispa (Jeremías 15:16). Hermana Desicarqa precursora jina llankʼashallanpuni. Pikunamanchus mensajesta apacherqa chaykunamanta yachakuyta munajkunamanpis Bibliamanta yachachishallanpuni.