Aramas akan kin wiahda pilipil me keieu kesempwal duwen ihs me re pahn pilada.

 Dahme Paipel mahsanih?

 Paipel kin kasalehda me mie soahng kan me kaun akan koaros sohte kak wia.

•   “Kumwail dehr koapworopworki me lapalap en sampah kan; pwe sohte emen tohrohr kak komourkumwailla. Ni ar kin mehla, re kin pwurehng wiepwella; oh ni ahnsowohte, ar koasoandi kan kin imwisekla.”—Melkahka 146:3, 4.

 Mendahki mie kaun akan me inenen koahiek, ahpw kedekedeo re pahn mehla. Oh pil re sohte kak koapworopworki me irail kan me pahn kohdo mwurirail pahn pousehlahte wia ar doadoahk mwahu kan.—Eklesiasdes 2:18, 19.

 Ni mehlel, Paipel kasalehda me aramas akan sohte mwahn kak kaunda pein irail.

•   “Sohte aramas emen me kaunda pein eh mour.”—Seremaia 10:23.

 Mie aramas me kak wia kaun mwahu men nan atail ahnsou?

 Paipel kin kawehwehda me Koht ketin idihada kaun emen me keieu koahiek oh likilik: Sises Krais. (Melkahka 2:6) Sises iei Nanmwarki en Wehin Koht, koperment ehu me kin kakaun sang nanleng.—Madiu 6:10.

 Ke pahn pilada Sises nin duwen kaun men? Paipel kin kasalehda kahrepen peidek wet eh kesempwal:

•   “Poaridihsang [Sises Krais]; pwe e dehr ketin mwadang engiengda, oh kumwail pahn mwadangete mehkihla. Meid pai irail koaros me kin wiahki KAUN-O sileparail.”—Melkahka 2:12.

 Met iei ahnsou en wiahda omw pilipil. Kokohp en Paipel kin kasalehda me Sises ketin tepida kakaun nan pahr 1914 oh ahnsou keren Wehin Koht pahn wiliandi koperment en aramas koaros.—Daniel 2:44.

 Pwehn kalaudehla omw ese dahme ke kak wia pwehn utung sapwellimen Sises kaunda, wadek oaralap “Pilada en Iang Utungada Wehin Koht Met!”