KOUL 18
Kalahnganki Pweinen Pweipwei Sapahlo
-
1. Rahnwet, Siohwa Koht,
se uh mwohn mwoalomwi,
Pwe komwi kasalehdahr
limpoak me keieu laud.
Ket’kihdahr sapwel’momwi Ohl
pwe sen kak mour.
Sohte ehu tounmetei laudsang
me komw’ ket’kihda.
(CHORUS)
E ket’kihdahr eh mour ong kiht.
Sapwellime nta iei ahl.
Sang at mohngiong,
sen doulahte kalahngan ong komwi.
-
2. Tounmetei ehu me Sises
kupwurki wia.
Pwe limpoak, eh mour unsek
iei pweipwei sapahlo.
Sohte at koapworopwor lao
e ketido.
Ahpw met se diarehr
at koapworopwor ong mour.
(CHORUS)
E ket’kihdahr eh mour ong kiht.
Sapwellime nta iei ahl.
Sang at mohngiong,
sen doulahte kalahngan ong komwi.
(Pil kilang Ipru 9:13, 14; 1 Pit. 1:18, 19.)
