KAHN IROIR (ONG ONOP) March 2020
Kahn Iroir wet audaudki iren onop kan ong May 4-31, 2020.
Limpoak oh Kalahngan ong Siohwa Pahn Kamwakid Uhk en Papidaisla
Limpoak ong Siohwa kak kamwakid uhk en papidaisla. Ahpw dahme kakete kapweiekihukidi?
Ke Onopadahngehr en Papidaisla?
Omw sapengala peidek kan nan iren onop wet pahn seweseiuk en pilada.
KOASOIPEN ARAIL MOUR
“Iet Kiht! Poaroneikitla!”
Jack oh Marie-Line kawehwehda dahme kamwakid ira en doadoahngki pali laud en ara ahnsou en papah Siohwa oh dahme sewese ira en ahnla irair wekpeseng kan mwurin ara alehdi ara pwukoa kapw kan.
Ahnsou Dah me Keieu Mwahu en Koasoi?
Tehk mehn kahlemeng kan sang nan Paipel me pahn sewese kitail en ese iahd kitail en koasoi oh iahd me kitail en nennenla.
Kumwail en Uhdahn Poakpene Mehlel
Sises mahsanih me limpoak kin wia kilelepen Kristian mehlel. Ia duwen limpoak eh sewese kitail en wiahda popohl, sohte lipilipilki aramas, oh en kasamwo meteikan?
Ke Kin Ese Duwen Met?
Likin dahme Paipel mahsanih, ia mehn kadehde teikan me mehn Israel kan wia lidu kei nan Isip?
Peidek kan Sang Sounwadawad kan
Ihs pilismen kan nan tehnpas sarawi en mehn Suhs kan? Ia arail pwukoa kan?
