“See the Good Land” iei pwuhk en map kan en Paipel me uhdahn pahn seweseiuk ni omw onopki Paipel. Paipel kin kasalehda ire tohto duwen wasa kan, kahnimw kan, oh sahpw kan. Ni omw pahn kilang map pwukat, e pahn kak kahrehiong omw wadek oh onopki Paipel en wehwe mwahu. Pwuhko “See the Good Land” pahn seweseiuk en kak medewehla mwomwen wasa ehu me Paipel kin mahsanih duwe, oh ke pil kak diar wasa e mi ie nan map ko. E pil pahn seweseiuk en wehwehki ia duwen mwomwen wasa pwukat ar kin pid mwekid kan me kileldi nan Paipel.

“See the Good Land” kin audaudki map kaselel kan en soangsoangen wasa me mi nan Paipel iangahki koakon kan me kin kawehwehda mapo. Pwuhk en Map kan en Paipel pil kin kasalehda diagram kan, kilel kan me wiawihda sang computer, oh pil soahng tohto teikan me pahn ahpwte kalaudehla omw perenki onopki Paipel.

Map kan en Paipel pahn seweseiuk en

• wehwehkihla duwen seiloak kan me Eipraam, Aisek, oh Seikop wia

• kilang mehnia ahl me mehn Israel kan doadoahngki ni arail seiloak sang Isip kolahng nan Sapwen Inowo

• kapahrekihpene sapwen Israel ong sapwen wehi kan me wia arail imwintihti

• kilang wasa kan me Sises ketila ie pwehn wia sapwellime doadoahk en kalohk

• kilang uwen laud en wasa kan me wehi kan me kileldi nan Paipel kin kaunda, me duwehte Papilon, Krihs oh Rom

Ke kak kilang map kan en Paipel ni soh isepe nan Watchtower ONLINE LIBRARY.