بوہت سارے لوک من دے نیں کہ صلیب دا نشان مسیحیاں دی پچھان اے۔ بھانویں کہ اَسی یہوواہ دے گواہ مسیحی آں پر فیر وی اَسی اپنی عبادت چ صلیب استمال نئیں کردے۔ ایہدی کیہہ وجہ اے؟‏

 ایہدی اِک وجہ ایہہ وے کہ پاک کلام دے مطابق یسوع مسیح نے اپنی جان صلیب تے نئیں دِتی سی۔ بائبل چ جیس یونانی لفظ دا ترجمہ صلیب کیتا گیا اے اوہدا مطلب اے اِک سدِھی لکڑی یاں کھمبا۔ دُوجی وجہ ایہہ وے کہ پاک کلام چ مسیحیاں نُوں حکم دِتا گیا اے کہ اوہ بُت‌پرستی توں بچن۔ ایس لئی اَسی عبادت چ صلیب استمال نئیں کردے۔—‏1-‏کُرنتھیوں 10:‏14‏:‏ 1-‏یوحنا 5:‏21‏۔‏

 یسوع مسیح نے کہیا سی کہ جے تواڈے وچ پیار ہووے گا تے سارے لوک پچھان لین گے کہ تُسی میرے شاگرد او۔ (‏یوحنا 13:‏35،34‏)‏ ایس گل توں ظاہر ہوندا اے کہ یسوع دے سچے پیروکاراں دی پچھان آپس چ اوہناں دی محبت اے، صلیب یاں کوئی ہور نشان نئیں۔‏