پاک کلام چوں کجھ مثالاں:‏

• لُوقا 20:‏37، 38‏—‏یسوع مسیح نے دَسیا کہ مُردیاں دے زندہ ہون دی امید پکی اے۔ یہوواہ دی نظر چ مُردے اِک طرحاں نال زندہ ہو چُکے نیں۔‏

• یوحنا 11:‏5، 6،‏ 11-‏14‏—‏جدوں یسوع دا دوست لعزر فوت ہو گیا تے یسوع نے کہیا کہ موت گُوڑھی نیندر وانگوں اے۔‏

• عبرانیوں 2:‏14، 15‏—‏پولُس رسول نے دَسیا کہ سانوں موت توں بوہت زیادہ ڈرنا نئیں چاہی دا۔‏

پاک کلام چوں کجھ مثالاں:‏

• بائبل چ 9 ایہو جہے واقعے لکھے نیں جنہاں چ مُردیاں نُوں زندہ کیتا گیا۔ بائبل دے مطابق ایہناں وچوں 8 زندہ ہون دے بعد زمین تے ای رہے۔ ایہناں واقعیاں نُوں پڑھ کے اوہناں لوکاں نُوں تسلی تے چنگے مستقبل دی امید مِل سکدی اے جیہڑے اپنے کسے عزیز دی موت دی وجہ توں دُکھی نیں۔‏

  •  1-‏سلاطین 17:‏17-‏24‏—‏ایلیاہ نبی نے صارپت دے شہر صیدا چ رہن والی اِک بیوہ دے پُتر نُوں زندہ کیتا۔‏

  • 2-‏سلاطین 4:‏32-‏37‏—‏اِلیشع نبی نے شونیم چ اِک مُنڈے نُوں زندہ کیتا تے اوہنوں اوہدے ماں پیو دے حوالے کر دِتا۔‏

  • 2-‏سلاطین 13:‏20، 21‏—‏اِک مُردہ اِلیشع نبی دِیاں ہڈیاں نال ٹکرا کے زندہ ہو گیا۔‏

  • لُوقا 7:‏11-‏15‏—‏شہر نائین چ یسوع مسیح نے اِک بیوہ دے پُتر دا جنازہ ویکھیا تے اوہنوں زندہ کر دِتا۔‏

  • لُوقا 8:‏41، 42،‏ 49-‏56‏—‏یسوع نے اِک عبادت‌گاہ دے سردار یائیر دی دھی نُوں زندہ کر دِتا۔‏

  • یوحنا 11:‏38-‏44‏—‏یسوع نے اپنے دوست لعزر نُوں زندہ کیتا جدی وجہ توں لعزر دِیاں بھیناں مریم تے مارتھا بوہت خوش ہوئیاں۔‏

  • اعمال 9:‏36-‏42‏—‏پطرس رسول نے ڈورکس نُوں زندہ کیتا جنہوں بھین بھرا بوہت پیار کردے سن کیونکہ اوہ بوہت وڈے دل والی سی۔‏

  • اعمال 20:‏7-‏12‏—‏پولُس رسول نے اِک جوان یُوتِخُس نُوں زندہ کیتا جیہڑا گھر دی باری چوں ڈِگ کے فوت ہو گیا سی۔‏

• یہوواہ نے یسوع مسیح نُوں غیرفانی جسم دے کے زندہ کیتا تے اوہ اسمان تے چلا گیا۔ اِنج خدا دے اوہناں وعدیاں دی ضمانت مِل گئی جیہڑے اوہنے مستقبل بارے کیتے نیں۔‏

  • اعمال 17:‏31؛‏ 1-‏پطرس 3:‏18

• یسوع مسیح اوہ پہلا انسان سی جیہڑا زندہ ہو کے اسمان تے گیا تے جنہوں غیرفانی زندگی مِلی۔ یسوع دے بعد خدا کجھ ہور لوکاں نُوں وی اسمان تے زندہ کر کے غیرفانی زندگی دے رہیا اے۔ ایہناں لوکاں دی گنتی 1 لکھ 44 ہزار اے۔‏

  • 1-‏کُرنتھیوں 15:‏20،‏ 23،‏ 51-‏53؛‏ 1-‏تھسلُنیکیوں 4:‏16، 17؛‏ مکاشفہ 14:‏1