BLIEFT WIEDA WAKA!
Woaren eenen Dach aule Sorten Menschen äwareen behaundelt woaren? – Waut sajcht de Schreft doaräwa?
Fa väl Menschen lat daut ommäajlich, daut aule Raussen ooda Sorten Menschen mol wudden äwareen behaundelt woaren. Fa dee es daut soo aus een Droom, waut sikj nich erfelt.
António Guterres, de Hauptvewaulta von de Veeende Nazionen, sajcht: “Eenen Unjascheet moaken manke Menschen, brinjt aulawäajen oppe Welt väl Schoden. Daut es to seenen bie Organisazionen un manke Menschen auljemeen. Wäajen doa een Unjascheet manke Menschen jemoakt woat, doonen dee sikj unjarenaunda nich rajcht behaundlen.”
Woat daut noch mol bat doa komen, daut aule äwareen behaundelt woaren? Waut sajcht de Schreft doaräwa?
Woo denkjt Gott doaräwa?
De Schreft lieet ons, woo Gott äwa aule Sorten Menschen ooda Velkja denkjt.
“[Gott] haft daut soo jemoakt, daut aule Velkja opp de Ieed von eenen Mensch staumen, un äwa de gaunze Welt wonen sellen” (Aposteljeschicht 17:26, PB).
“Nu see ekj woarhauftich, daut Gott manke Menschen kjeen Unjascheet moakt; oba ut aule Velkja, dee aunnemt, dee am ferchten un doonen waut rajcht es” (Aposteljeschicht 10:34-35, PB).
De Schreft wiest ons, daut wie aula von deeselwje Famielje staumen. Un Gott nemt aule Menschen aun, krakjt endoont, von waut vonne Rauss wie sent.
Woo woat daut bat doa komen?
Unja Gott sien Kjennichrikj, siene himlische Rejierunk, woaren aule Sorten Menschen äwareen behaundelt woaren. Dise Rejierunk woat de Menschen lieren, woo dee sellen aundre rajcht behaundlen. De Menschen woaren uk lieren, woo see kjennen äa denkjen endren, soo daut dee nich mea eenen Unjascheet manke Menschen moaken.
“Soo woaren de Bewona vom Ieedkjreis Jerajchtichkjeit lieren” (Jesaja 26:9, JHF).
“Un wiels daut rajchte jedonen woat, woat doa Fräd sennen; un daut woat opp emma stell un secha sennen” (Jesaja 32:17, PB).
Vondoag dän Dach halpt de Schreft millionende Menschen, aundre met Respakjt un Iea to behaundlen.
Toom noch mea doaräwa lieren, läs daut Woat Waka! met daut Teema “Woaren de Menschen emma eenen Unjascheet moaken?”
Om daut jie Elren kjennen leichta met june Kjinja äwa dit Teema räden, läst dän Artikjel “Met Kjinja räden: Wan aundre Sorten Menschen schlajcht behaundelt woaren”.
Veleicht jleichst du uk dit
WICHTJE BIBLISCHE LIEREN
Waut es Gott sien Kjennichrikj?
Aus Jesus oppe Ieed wia, lieed hee aundre mea äwa Gott sien Kjennichrikj aus äwa aundret. Aul hundade Joaren haben siene Nofolja om dit Kjennichrikj jebät.
DE SCHREFT HAFT ÄA LÄWEN VEENDAT
Ekj wull jäajen Ojjerajchtichkjeit strieden
Rafika jinkj bie eene Grupp bie, waut jäajen Ojjerajchtichkjeit street. Oba dan wort see en, daut de Schreft vesprakjt, daut Gott sien Kjennichrikj woat Fräd un Jerajchtichkjeit brinjen.
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
