Wäa aundre halpt, feelt sikj nich mea soo eensom – Waut de Schreft doaräwa sajcht
Väl Menschen feelen sikj eensom un fa dee es daut nich leicht, Frind to moaken. Eenje Jesuntheits-Forscha sajen, daut daut halpt, wan eena waut fa aundre deit un dee halpt:
“Aundre to halpen jeft ons em Läwen eenen Senn un daut halpt uk, jäajen soone Jefeelen to kjamfen aus sikj eensom ooda wiet auf von aundre to feelen” (U.S. National Institutes of Health).
Enne Schreft finj wie gooden Rot doatoo, woo eena aundre halpen kaun. Wan wie disen Rot nokomen, kaun ons daut halpen, ons nich mea soo eensom to feelen.
Waut du doonen kaust
Sie friejäwrich. Sieekj no Jeläajenheiten, met aundre Tiet to vebrinjen – wan mäajlich perseenlich. Un sie friejäwrich met daut, waut du hast. Daut kaun doatoo fieren, daut de aundre dankboa doafäa sent, waut du jedonen hast, un daut jie kjennen Frind woaren.
Waut de Schreft sajcht: “Habt de Jewanheit to jäwen, dan woaren de Menschen junt uk jäwen” (Lukas 6:38).
Bruck diene Tiet un Krauft toom aundre halpen. Es doa wäa, waut daut jroz schwoa em Läwen haft? Dan bruck diene Krauft un proow dän to halpen. Daut kunn bedieden, daut du dän leeftolich un jeduldich toohorchst ooda daut du irjentwaut fa dän deist, waut dän siene Loag leichta moakt.
Waut de Schreft sajcht: “Een Frint woat emma Leew bewiesen” (Spricha 17:17, PB).
En dän Artikjel “Enne Famielje un manke Frind” kaust du mea doaräwa läsen, woo eena met aundre goode Frind sennen kaun.
Veleicht jleichst du uk dit
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
