5. Se vedoawen de Ieed

Gott woat dee ombrinjen, “dee de Ieed vedorwen haben” (OPENBOARUNK 11:18, PB).

● Een Maun, waut Pirri heet, schauft aus een Paulmsauftsaumla en daut Darp Kpor en Nigeria. Aus dee Jäajent biem Niger-Riefa derch utjerandet Eelj grulich veorreinicht wort, jinkj sien Jeschaft kaputt. Hee sajcht: “Onse Fesch gonen doot, onse Hut woat schlemm un de Riefasch sent veschwient. Ekj weet nich, wuamet ekj mien Läwen moaken saul.”

WAUT TO BEOOBACHTEN ES: Eenje sajen, daut jieda Joa 6,5 Millionen Tonnen Mell em Mäa nenkomen. Ojjefäa de Halft von dit Mell es Plastikj, waut hundade Joaren em Wota blift, ea sikj daut oppleest. Oba de Menschen doonen nich bloos de Ieed veorreinjen, dee vebrucken uk too väl von daut, waut ut de Ieed kjemt. Forscha haben utjeräakjent, daut de Ieed eentunhaulf Joa brukt, om daut wada häatostalen, waut de Menschen en een Joa vebrucken. De australische Post Sydney Morning Herald schrift: “Wan de Menschheit wieda soo toonemt un soo väl vebrukt, woaren ons aune 2035 twee Ieedbauls fälen.”

WAUT EENJE SAJEN: De Menschen haben sikj bat nu noch emma jewist. Wie kjennen dän Schoden fiksen un de Ieed raden.

ES DAUT SOO, AUS DEE SAJEN? Väl Menschen un Gruppen haben aul sea doafäa jesträden, daut de Natua saul jeschizt woaren. Oba de Ieed woat noch emma krakjt soo sea veorreinicht.

WAUT JLEEFST DU? Fält daut, daut Gott waut deit un de Ieed rat, soo aus hee daut vesproaken haft?

Buta dise fief Profezeiungen, waut wie nu jeseenen haben, sajcht de Schreft fa de latste Doag uk waut goodet verut. Doavon haundelt sikj de saste Profezeiunk.

[Takjst]

“Mie späat sikj daut soo, aus haud ekj een Paradies vespält un eenen jeftjen Mellaka jekjräajen” (ERIN TAMBER, EENE FRU, WAUT ENNE STÄTS EM SIEDEN AUM MÄA WONT; DAUT SÄD SEE, NODÄM DAUT AUNE 2010 EM GOLF VON MEXIKO VÄL EELJ UTRAND)

[Kausten]

Enne Schreft es aul daut schlajchte verutjesajcht, waut wie vondoag dän Dach seenen kjennen. Bediet daut, daut Gott doafäa veauntwuatlich es? Mott wie lieden, wiels Gott daut well? De Auntwuaten opp dee Froagen sent en daut 11. Kapitel von daut Buak Waut lieet de Schreft werkjlich? kloa un dietlich utjelajcht. Dit Buak es bie Jehova siene Zeijen to haben.

[Bilt Biltnowies]

U.S. Coast Guard photo