DE GAUNZE WELT ES DRAL
2 Bewoa daut, waut du toom läwen brukst
WUAROM ES DAUT WICHTICH?
Väl Menschen schaufen jieda Dach grulich sea, om daut needichste to haben, waut an fält. Un de Trubbels en dise drale Welt moaken daut noch schwanda. Wuarom es daut soo?
-
Wan en eene Jäajent Trubbel es, dan es daut Läwen doa fuaz diera, soo aus Äten un wonen.
-
Soone Trubbels kjennen daut bat doa brinjen, daut de Menschen äare Oabeit velieren ooda de kjrieen fa äare Oabeit nich mea soo goot betolt.
-
Owwadasch kaun de Menschen äare Oabeit ooda Jeschaft, dee äa Tus ooda waut dee sest haben beschädjen ooda vestieren. Un doaderch sent väle oam jeworden.
Waut du weeten motst
-
Wan du nu aul goot met dien Jelt omjeist, dan woascht du uk bäta met dien Jelt omgonen, wan du en eene schwieeje Loag best.
-
De tietelje Sachen kjennen haustich weinja wieet sennen, soo aus eenem siene Ennom, waut eena oppjespoat haft un eenem sien Hab un Goot.
-
Daut jeft Sachen, waut eena nich met Jelt kjeepen kaun, soo aus schaftich sennen un eene veeende Famielje.
Waut du doonen kaust
De Schreft sajcht: “Wan wie Kjleeda un Äten haben, doamet sell wie tofräd sennen” (1. Timotäus 6:8).
Tofräd sennen bediet, sikj weinja wenschen un daut eenem daut goot es, waut eenem werkjlich toom läwen fält. Daut es besonda wichtich, wan eenem daut knaupa jeit.
Om tofräd to sennen, motst du woomäajlich een eefachret Läwen fieren. Wan du mea utjefst, aus waut du toom läwen hast, dan woascht du bloos noch mea Trubbels haben.
Veleicht jleichst du uk dit
WOAT WAKA!
Een bätret Läwen haben – Met Jelt rajcht omgonen
Woo kaun de Schreft die halpen, wan du met Jelt to kaublen hast?
