Hast du daut uk mol beläft, daut du daut fuaz vejäten hautst, waut du jroz studieren deetst? Daut passieet ons aula eenjemol. Waut kaun die halpen, daut bäta em Denkj to hoolen? De wichtichste Jedanken noch mol derchgonen.

Wan du studieescht, dan proow mol, entweschen to wachten un doaräwa notodenkjen, waut du jroz jelieet hast. De Apostel Paulus holp deejanje, waut sienen Breef studieeden, krakjt dit to doonen, doaderch daut dee säd, waut daut Wichtje wia (Heb. 8:1). Dit holp de Breeda un Sestren to vestonen, waut hee meend un woo daut aula tooppaust.

Veleicht kaust du die opp Enj von dien Studium tieen Minuten Tiet nämen, om doaräwa notodenkjen, woont de wichtichste Jedanken wieren. Wan daut nich schauft, dan besee die noch mol de Äwaschreften ooda läs dän Sauz, waut wiest, om waut daut en jieda Varsch jeit. Jeweenlich es daut de ieeschta Sauz. Wan du waut Nieet jelieet hast, dan proow, daut en diene ieejne Wieed uttolajen. Wan du daut Wichtichste noch mol derchjeist, dan woat die daut nich bloos denkjen halpen, waut du jelieet hast, oba du woascht uk dolla enwoaren, waut daut krakjt met dien Läwen to doonen haft.