34. KAPITEL
Woo kjenn wie Jehova wiesen, daut wie am leewen?
Nu daut du de Schreft studieescht, räakjenst du Gott mea aus ea? Wurscht du jleichen, noch een bätra Frint met am to woaren? Wan Jehova sitt, daut diene Leew fa am emma jrata woat, dan woat hee die uk emma dolla leewen un fa die sorjen. Woo kaust du am wiesen, daut du am leefst?
1. Woo wies wie Jehova, daut wie am leewen?
Wie wiesen Jehova, daut wie am leewen, wan wie am jehorchen (läs 1. Johanes 5:3). Jehova bemott kjeenem, am to jehorchen, oba hee lat jieda eenem selfst entscheiden, aus dee daut doonen well ooda nich. Wuarom? Hee well, daut wie am “von Hoaten jehuarsom” sent (Reema 6:17). Daut meent, daut wie Jehova jehuarsom sent, wäajen wie am leewen un nich wäajen wie bemott sent. En Poat 3 un 4 von dit Buak woascht du lieren, daut du diene Leew fa Jehova wiesen kaust, wan du daut deist, waut hee jleicht un von daut wajchblifst, waut hee nich jleicht.
2. Wuarom kaun daut waut opp sikj haben, onse Leew fa Jehova to wiesen?
“De jerajchta mott väl lieden” (Psalm 34:20). Wie aula haben daut schwoa wäajen onse ieejne Fäla. Un veleicht hab wie eenjemol Jeltsorjen ooda ons woat orrajcht behaundelt ooda wie haben aundre Schwierichkjeiten. Wan wie waut schwoaret beläwen, dan es ons daut veleicht schwoa, daut notokomen, waut Jehova von ons velangt. Daut es, wäajen daut eenjemol leichta es, daut schlajchte to doonen. Oba wan du en aules daut deist, waut Jehova velangt, dan wiest du am, daut du am dolla leefst, aus irjentwaut aundret. Un soo wiest du uk, daut du am tru best. Un dan woat hee die uk tru sennen un die kjeenmol veloten (läs Psalm 4:4).
DOLLA UNJASTONEN
See, wuarom daut fa Jehova wichtich es, daut du am jehorchst, un lia, waut die halpen kaun, am tru to bliewen.
3. Een Trubbel, wua uk du met en best
En daut Bibelbuak Hiob kjenn wie läsen, daut de Soton Hiob beschuljen deed un uk aul dee, waut Jehova tru deenen wellen. Läst Hiob 1:1, 6 bat 2:10 un dan got toop dise Froagen derch:
-
Waut säd de Fient, wuarom Hiob Jehova jehorchen deed? (See Hiob 1:9-11.)
-
Waut säd de Fient von aule Menschen, wua uk du met en best? (See Hiob 2:4.)
Läst Hiob 2:3 un dan got toop dise Froag derch:
-
Woo bewees Hiob, daut hee Jehova werkjlich leewd?
Hiob wees siene Leew fa Jehova doaderch, daut hee am tru bleef
Wie wiesen onse Leew fa Jehova, wan wie am tru bliewen
4. Moak Jehova sien Hoat froo
Läst Spricha 27:11 un dan got toop dise Froagen derch:
-
Woo jeit Jehova daut, wan du weis best un am jehorchst? Wuarom?
5. Du kaust Jehova tru sennen
Wan wie Jehova leewen, dan woa wie aundre von am vetalen. Un wan wie am tru sent, woa wie daut mau rajcht dan doonen, wan daut uk nich leicht es. Kjikjt daut VIDEO un dan got toop de Froagen derch, waut hia aunjejäft sent.
-
Es die daut mol schwoa, aundre von Jehova to vetalen?
-
Woo kunn Grayson en daut Video siene Angst äwakomen?
Wan du daut leefst, waut Jehova leeft, un die daut jäajenaun es, waut am jäajenaun es, woat die daut leichta sennen, am tru to sennen. Läst Psalm 97:10 un dan got toop dise Froagen derch:
-
Waut sent eenje Sachen, waut Jehova leeft, soo aus du aul jelieet hast? Waut sent eenje Sachen, waut am jäajenaun sent?
-
Woo kaust du daut lieren to leewen, waut goot es un lieren, die jäajen daut schlajchte to stalen?
6. Ons es daut toom gooden, wan wie Jehova jehorchen
Jehova jehuarsom sennen, es emma daut baste. Läst Jesaja 48:17-18 un dan got toop dise Froagen derch:
-
Jleefst du, wie kjennen ons doaropp veloten, daut Jehova emma weet, waut fa ons daut baste es? Wuarom?
-
Woo haft die daut bat nu jeholpen, von de Schreft un von dän woaren Gott Jehova to lieren?
WAUT EENJE SAJEN: “Gott jeft doa aulmols nich väl waut om rom, waut ekj doo.”
-
Woone Bibelvarzhen wurscht du kjennen brucken toom wiesen, daut onse Woakjen Jehova kjennen truarich ooda schaftich moaken?
KAPITEL TOOPJEFOT
Du kaust daut bewiesen, daut du Jehova leefst, wan du am jehuarsom best un tru daut deist, waut hee von die velangt; mau rajcht wan daut uk schwoa es.
Waut hast du jelieet?
-
Waut hast du von Hiob sien Biespel jelieet?
-
Woo woascht du wiesen, daut du Jehova leefst?
-
Waut woat die halpen, Jehova tru to bliewen?
MEA NOSIEEKJEN
See, woo du Jehova un de Vesaumlunk kaust tru sennen.
Lia noch mea doaräwa, met waut de Soton de Menschen beschulcht.
“Hiob blift volstendich tru” (De Bibel: Om waut jeit daut doa bennen?, Kapitel 6)
See mol, woo mau rajcht Kjinja kjennen wiesen, daut see Jehova leewen.
Woo kjennen junge Menschen Jehova tru bliewen, wan aundre junge Menschen dee uk wellen metrieten, waut schlajchtet to doonen?
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
