Eenselheiten äwa de Bibelbieekja
Dise korte Videos wiesen, wua de Bibelbieekja jeschräwen sent, wäa dee jeschräwen haft un wanea un von waut jieda Buak sikj haundelt. Eena wudd kjennen dise wieetvolle Videos brucken, wan eena de Bibel läst ooda studieet.
Eenselheiten äwa de Bibel
See, woo jieda Bibelbuak met daut Teema von de Schreft todoonen haft: Woo daut Kjennichrikj met Christus Jesus Jehova sien Nomen heiljen woat.
Eenselheiten äwa 1. Mose
1. Mose wiest ons wichtje Sachen, soo aus, wua de Menschen häakomen un uk wua daut Lieden un de Doot aunfungen.
Eenselheiten äwa 2. Mose
Gott muak de Israeliten von de Sklowarie en Ägipten frie un muak dee to een Volkj, waut am hanjejäft wia.
Eenselheiten äwa 3. Mose
See, woo 3. Mose beschrift, woo heilich Gott es un wuarom daut soo wichtich es, daut wie uk heilich sent.
Eenselheiten äwa 4. Mose
See, woo wichtich daut es, Jehova to jehorchen un dee to achten, waut hee äwa sien Volkj aunjestalt haft.
Eenselheiten äwa 5. Mose
Woo wia aun Jehova sien Jesaz to seenen, daut hee sien Volkj sea leewd?
Eenselheiten äwa Josua
See, woo de Israeliten daut vesproakne Launt ennämen un endeelen, waut Gott an jejäft haft.
Eenselheiten äwa Rechta
Dit Buak es voll Jeschichten von de mootje Rechta, waut eenen stoakjen Gloowen hauden un sikj von Gott brucken leeten, om daut Volkj Israel von Fiend frietomoaken, dee daut unjadrekjten. Doawäajen heet dit Buak uk Rechta.
Eenselheiten äwa Rut
En daut Buak Rut jeit daut om de truhoatje Leew, waut eene junge Wätfru äare Schwieemutta wees, un woo Jehova dee beid beloond.
Eenselheiten äwa 1. Samuel
Kjikj, woo de Israeliten äare Jeschicht sikj von de Rechtatiet no dee Tiet endad, aus de Kjennichs äwa an rejieeden.
Eenselheiten äwa 2. Samuel
David es eent von de bekauntste Menschen von de Bibeltiet, waut väle sea väl räakjnen, wiels hee soo deemootich wia un eenen stoakjen Gloowen haud.
Eenselheiten äwa 1. Kjennichs
Aus Salomo Kjennich äwa Israel wia, haud daut Launt een goodet Wiedakomen un de Menschen jinkj daut scheen. Oba lota spoold sikj daut Launt en twee Kjennichrikjs, waut sikj Israel un Juda nanden.
Eenselheiten äwa 2. Kjennichs
Kjikj, woo daut nuadne Kjennichrikj von Israel vedorwen wort, wäajen daut schlajchte, waut de Aufjefolne deeden. Un woo Jehova de weinje Israeliten oba säajend, waut am noch met äa gaunzet Hoat deenden.
Eenselheiten äwa 1. Chronik
Acht opp de Aufstaumungslienje un doaropp, waut en dän gottesferchtjen Kjennich David sien Läwen aules aunjinkj, von dan aus hee Kjennich äwa Israel wort, bat hee storf.
Eenselheiten äwa 2. Chronik
See, woo de Jeschicht von de Kjennichs en Juda wiest, woo wichtich daut es, Jehova tru to sennen.
Eenselheiten äwa Esra
Jehova haud vesproaken, sien Volkj von Babel frietomoaken un de woare Aunbädunk en Jerusalem wada opptostalen, un hee hilt sikj doaraun.
Eenselheiten äwa Nehemia
Jehova siene Deena vondoag dän Dach kjennen väl von daut Bibelbuak Nehemia lieren.
Eenselheiten äwa Ester
Daut, waut en Ester äare Tiet passieed, woat die halpen, noch dolla doaropp to vetruen, daut Jehova Gott sien Volkj vondoag dän Dach uk halpen kaun.
Eenselheiten äwa Hiob
Aul deejanje, waut Jehova leewen, woaren aufjeprooft woaren. Hiob siene Jeschicht lieet ons, daut wie kjennen tru sennen un opp Jehova siene Sied bliewen.
Eenselheiten äwa de Psalmen
De Psalmen wiesen, daut Jehova de hechsta Harscha es un daut sien Kjennichrikj daut oppe Ieed woat bäta moaken. Dee treesten un halpen deejanje, waut am leewen.
Eenselheiten äwa Spricha
Hia kaust du Rot von Gott fa schia aules en dien Läwen kjrieen, aus daut nu fa Oabeitssachen es ooda fa de Famielje.
Eenselheiten äwa Liera
De Kjennich Salomo wiest dietlich, waut werkjlich em Läwen talt, un vejlikjt dise Sachen met soone, waut jäajen Gott siene Weisheit sent.
Eenselheiten äwa daut Scheenste Leet
De Leew, waut de Sulamit fa äaren Hoad haud, jinkj nich to bräakjen. Wuarom woat dee “ne Flaum von Jah” jenant?
Eenselheiten äwa Jesaja
De Profezeiungen en daut Buak Jesaja sent opp to veloten. Daut moakt ons Vetruen jrata, daut Jehova aules erfellen woat, waut hee vesproaken haft, un ons raden woat.
Eenselheiten äwa Jeremia
Jeremia kjeem siene Oppgow emma tru no, wan hee uk lieden must. Waut kjenn wie von sien Biespel lieren?
Eenselheiten äwa Kloagleeda
Daut Buak Kloagleeda schreef de Profeet Jeremia. Daut rät doavon, woo truarich de Venichtunk von Jerusalem wia un woo Gott Metleet wiest, wan wäa omkjieet.
Eenselheiten äwa Hesekiel
Hesekiel kjeem deemootich un äwanäment aules no, waut Gott am oppjejäft haud, endoont waut daut opp sikj haud. Waut dee ons nich haft fa een Väabilt jeloten!
Eenselheiten äwa Daniel
Daniel un siene Frind bleewen Jehova emma aulawäajen tru. Äa Biespel un uk de Erfellunk von de Profezeiunk, halpen ons nu en de latste Tiet.
Eenselheiten äwa Hosea
Von Hosea siene Profezeiunk kjenn wie sea väl doaräwa lieren, woo metliedent Jehova es, wan wäm siene Sinden leet sent un uk woo wie am deenen sellen.
Eenselheiten äwa Joel
Joel profezeid von Jehova sienen Dach waut emma noda kjeem un uk woo wie äwaläwen kjennen. Nu es daut besonda needich, daut wie dise Profezeiunk em Denkj hoolen.
Eenselheiten äwa Amos
Jehova brukt disen deemootjen Maun fa eene wichtje Oppgow. Waut kjenn wie von Amos lieren?
Eenselheiten äwa Obadja
Daut es daut kjartste Bibelbuak en de Hebräische Schreften. De Profezeiunk jeft Hopninj un vesprakjt, daut Jehova sien Rajcht aus Kjennich to rejieren, woat jerajchtfoadicht woaren.
Eenselheiten äwa Jona
De Profeet leet sikj trajchtwiesen, fieed siene Oppgow ut un lieed väl von Gott siene truhoatje Leew un Metleet. Siene Erfoarungen woaren die to Hoaten gonen.
Eenselheiten äwa Micha
Dise Profezeiunk, waut von Gott kjeem, kaun ons vetruen stoakjen, daut Jehova von ons kjeenmol mea velangt, aus wie doonen kjennen, un daut et fa ons emma bloos goot es, waut hee velangt.
Eenselheiten äwa Nahum
Wie kjennen ons gaunz secha sennen, daut Jehova emma Wuat helt un daut hee aul dee Troost jeft, waut bie sien Kjennichrikj Fräd un Radunk sieekjen.
Eenselheiten äwa Habakuk
Wie kjennen doaropp vetruen, daut Jehova emma daut baste weet, woo hee siene Deena kaun un wanea de baste Tiet doatoo es.
Eenselheiten äwa Zefanja
Wuarom sell wie oppaussen, daut wie nich met eenst soo denkjen woaren, Jehova sien Dach kjemt kjeenmol?
Eenselheiten äwa Hagai
Aun de Profezeiunk es to seenen, woo wichtich daut es, daut de Deenst fa Gott ver daut kjemt, waut ons selfst jankat.
Eenselheiten äwa Sacharja
Gott leet väl Visionen un Profezeiungen oppschriewen un derch dee wort sien Volkj enne Vegonenheit jestoakjt. Krakjt dee Profezeiungen vesechren ons daut nu uk noch, daut Jehova ons unjastett.
Eenselheiten äwa Maleachi
En dise Profezeiunk woaren Jehova siene Gruntsauzen, sien Metleet un siene Leew, waut sikj kjeenmol endren, fa goot jetalt. Von dee Profezeiunk kjenn wie nu uk noch väl lieren.
Eenselheiten äwa Matäus
Hia kaust du eenje Stekjen von daut Buak Matäus seenen. Dit es daut ieeschte von de vea Evangelium.
Eenselheiten äwa Markus
Markus sien Buak es daut kjartste von de Evangelien un wiest ons een bät doaräwa, woo Jesus siene Rejierunk lota en Gott sien Kjennichrikj woat sennen.
Eenselheiten äwa Lukas
Eenje Stekjen von Jesus sien Läwen es bloos en daut Evangelium Lukas to finjen. Waut es daut?
Eenselheiten äwa Johanes
En Johanes sien Evangelium rät daut väl von Jesus siene Leew fa de Menschheit, uk von sien Biespel von Deemoot un von daut Tieekjen, daut hee de Messias wia, de komenda Kjennich en Gott sien Kjennichrikj.
Eenselheiten äwa de Aposteljeschicht
De ieeschte Christen schauften sea toom Jinja ut aule Velkja to moaken. Daut Bibelbuak Aposteljeschicht kaun die halpen, dienen Prädichtdeenst met mea Moot un Iewa derchtofieren.
Eenselheiten äwa Reema
Aunwiesungen von Jehova doaräwa kjeenen Unjascheet manke Menschen to moaken un woo wichtich de Gloowen aun Jesus es.
Eenselheiten äwa 1. Korinta
En Paulus sienen Breef jeft daut Rot von Gott äwa de Eenichkjeit, de Leew, äwa eenen christlich reinen Läweswaundel un äwa dän Gloowen aun daut Oppstonen von de Doodes.
Eenselheiten äwa 2. Korinta
Jehova, “een Gott, dee onen Enj treesten deit”, stoakjt siene Deena un steit dee bie.
Eenselheiten äwa Galata
Paulus sien Breef aun de Galata es vondoag dän Dach noch krakjt soo jeltich aus don, aus dee jeschräwen wort. Dee kaun aule woare Christen halpen, tru to bliewen.
Eenselheiten äwa Efeesa
Een Breef von Gott enjejäft, waut dietlich moakt, daut Gott sikj väajenomen haft, derch Jesus Christus Fräd un Eenichkjeit to brinjen.
Eenselheiten äwa Filippa
Wan wie en schwoare Tieden fauststonen, kjenn wie aundre doaderch Moot moaken, uk fausttostonen.
Eenselheiten äwa Kolossa
Wie kjennen Jehova jefaulen, wan wie daut nokomen, waut wie lieren un wan wie eena dän aundren wellich vejäwen un wan wie Jesus sien Aumt un siene Macht respakjten.
Eenselheiten äwa 1. Tessalonicha
Wie sellen em jeisteljen waka bliewen, aules unjasieekjen, aunhoolent bäden un ons unjarenaunda Moot toospräakjen.
Eenselheiten äwa 2. Tessalonicha
Paulus stalt een faulschet Denkjen trajcht, doaräwa, wanea Jehova sien Dach komen woat, un hee rot de Breeda too, faust em Gloowen to stonen.
Eenselheiten äwa 1. Timotäus
De Apostel Paulus schreef 1. Timotäus toom kloa moaken, waut fa Ordnungen en de Vesaumlunk sennen motten un om fa faulsche Lieren un fa Jeltjia to woarnen.
Eenselheiten äwa 2. Timotäus
Paulus sprakjt Timotäus Moot too, sienen Deenst volstendich derchtofieren.
Eenselheiten äwa Titus
Dän Apostel Paulus sien Breef aun Titus wort romme 61 bat 64 n.Chr. jeschräwen. Dee rät von Trubbels en de Vesaumlunk opp de Insel Kreet un häft rut, waut vonne jeistelje Ieejenschoften de Eltestasch haben motten.
Eenselheiten äwa Filemon
En disen korten oba iernsten Breef es gooda Rot bennen, äwa deemootich un leeftolich sennen un äwa vejäwen.
Eenselheiten äwa Hebräa
De Christen äa Gloowen stett sikj opp väl waut jratret aus irdische Tempels un Tierenopfa.
Eenselheiten äwa Jakobus
Jakobus brukt läwendje Jlikjnisen toom wichtje christelje Gruntsauzen lieren.
Eenselheiten äwa 1. Petrus
Petrus sien ieeschta Breef rot ons too, väl to doonen un aul onse Sorjen opp Gott to schmieten.
Eenselheiten äwa 2. Petrus
Petrus sien tweeda Breef rot ons too tru to sennen, nu daut wie no dän nieen Himmel un de niee Ieed luaren.
Eenselheiten äwa 1. Johanes
Johanes sien Breef woarnt ons jäajen dän Jäajenchrist un halpt ons vestonen, waut wie leewen sellen un waut nich.
Eenselheiten äwa 2. Johanes
Johanes sien tweeda Breef halpt ons denkjen, wieda en de Woarheit to waundlen un ons fa Veleida to heeden.
Eenselheiten äwa 3. Johanes
Johanes sien dredda Breef lieet ons, woo goot daut es, wan Christen oppnäment sent.
Eenselheiten äwa Judas
Judas openboat de schlajchte Wäaj von soone, waut proowen de Christen hinjaret Licht to fieren un schlajcht to woaren.
Eenselheiten äwa Openboarunk
De besondre Visionen en Openboarunk wiesen, woo Gott sien Kjennichrikj sien Väanämen fa de Menschen un de Ieed erfellen woat.
