Gott sien Kjennichrikj woat aule menschelje Rejierungen venichten un woat äwa de gaunze Ieed rejieren (Daniel 2:44; Openboarunk 16:14). Dit woat Gott sien Kjennichrikj dan doonen:

•   De schlajchte Menschen venichten, waut bloos aun sikj denkjen un ons Läwen schwoa moaken. “Oba de gottloose woaren äa Launt velieren” (Spricha 2:22, PB).

•   Met Kjrich een Enj moaken. “[Gott moakt] en aule Welt met aulem Kjrich een Enj” (Psalm 46:10, PB).

•   Doano seenen, daut aule Menschen hia oppe Ieed goot wiedakomen woaren un secha sent. “Oba jieda eena woat bie siene Wienrank setten, ooda unja sienen Fiejenboom, un kjeena woat an doa enjsten” (Micha 4:4, PB).

•   De Ieed to een Paradies moaken. “De Wiltnis un daut Drieechlaunt woaren sikj freien; daut drieeje Ollaunt woat jlekjlich sennen un met Bloomen dachen” (Jesaja 35:1, PB).

•   Aulem eene goode Oabeit jäwen, waut an scheen jeit. “Waut miene jewälde buen, woaren see lang goot brucken kjennen. Äare Oabeit woat nich vejäfs sennen” (Jesaja 65:21-23, PB).

•   Aule Krankheiten wajchnämen. “Kjeena von june Menschen woat sajen: ‘Ekj sie nich jesunt’” (Jesaja 33:24, PB).

•   Ons wada junk moaken. “Mucht hee soo stoakj woaren aus een junga, un Moot un Krauft haben aus verhäa” (Hiob 33:25, PB).

•   Dee wada oppwakjen, waut jestorwen sent. “Aul dee, dee en de Jräwa ligjen, [woaren] siene [Jesus] Stemm hieren . . . See woaren dan verendach komen” (Johanes 5:28-29, PB).