Foaken sent een Poa Lied toop, oba dee vetalen sikj meist nuscht. Wuarom es daut soo?

•  Toop un doch auleen – Wuarom?

•  Waut jie doonen kjennen

•  Waut aundre Ehelied sajen

•  Froagen toom toop doaräwa vetalen

•   Too meed

   Anna sajcht: “Emma, wan wie wudden kjennen toop sennen, sie ekj too meed ooda mien Maun. Wan ekj meed sie, stieet mie jieda kjlienet beskje. Doawäajen kjikj wie dan leewa bloos Tellewizhen.”

•   De ellektroonische Sachen stälen Tiet

   Katherine sajcht: “Daut Internet un Fons un aul daut kaun ons väl Tiet stälen. Doa kjennen Stunden vegonen, wua eena nuscht to dän aundren sajcht. Daut es soo, aus wan eena nich mol en deeselwje Stow wia.”

•   Junt intressieet waut veschiednet

   Jane sajcht: “Wan mien Maun no Hus kjemt, well dee ieescht mol daut doonen, waut am intressieet un waut am beruicht. Dee schauft sea schwoa un doawäajen jenn ekj dän daut uk. Oba ekj wensch mie, wan ekj mea kunn met dän toop sennen.”

•   Oabeit

   Mark sajcht: “Wäajen de ellektroonische Sachen es daut schwoa, de Oabeit un de Famielje uteneen to hoolen. Wäajen de Oabeit sie ekj foaken doamet drock E-Mails ooda Norechten to beauntwuaten, wan ekj oba wudd kjennen met miene Fru toop sennen.”

•   Seet de Tiet, waut jie toop haben, aus eene Needichkjeit un nich aus Tiet bowenenn

   Waut de Schreft sajcht: “Jie [sellen] fauststalen lieren, waut daut aulabaste es” (Filippa 1:10, PB).

   Toom nodenkjen: Es daut aun mien Vehoolen to seenen, daut mie miene Ehe wichtja es aus de Oabeit un waut ekj fa scheengonen doo? Jäw ekj mienen Ehepoatna bloos dee Tiet, waut mie äwablift, un woa nich werkjlich en, waut dän fält?

   Eene Iedee: Jie motten junt aul verhäa beräden, wanea jie wellen toop sennen un doa uk loten nuscht mankkomen. Denkjt nich, daut daut noch irjentwanea woat Tiet jäwen.

   Anna sajcht: “Mie jeit daut scheen, wan mien Maun aul haft verhäa waut jeplont, waut bloos wie beid wellen toop doonen. Dan kaun ekj späaren, woo väl wieet ekj bie am sie un daut dän daut uk scheen jeit, met mie toop sennen. Un je dolla leew ekj dän.”

•   De ellektroonische Sachen mol gaunz to Sied lajen.

   Waut de Schreft sajcht: “Doa es eene Tiet fa jieda Sach” (Liera 3:1, PB).

   Toom nodenkjen: Woo foaken hab ekj mienen Poatna nich werkjlich toojehorcht, wäajen ekj mie leet von mien Fon ooda Norechten auflenkjen?

   Eene Iedee: Ät eemol dän Dach weinichstens toop, onen daut jie waut met jun Fon to doonen haben. Biem äten es daut eene feine Jeläajenheit, sikj unjarenaunda waut to vetalen.

•   Wan daut mäajlich es, kjeept toop en un doot toop de Husoabeit.

   Waut de Schreft sajcht: “Twee sennen, es bäta aus auleen sennen; dee haben een scheengonen en daut waut see doonen” (Liera 4:9, PB).

   Toom nodenkjen: Woo foaken foa jie auleen enkjeepen un aundre Jeschaften bestrieden?

   Eene Iedee: Halpt junt unjarenaunda un mau rajcht bie soont, waut jie goot wudden kjennen auleen doonen.

   Nina sajcht: “Doot toop enkjeepen, oppwauschen, Wausch tooplajen, Hoff besorjen un dän Goaden unjahoolen. Wudd jie daut kjennen aus eene Jeläajenheit seenen toop to sennen, enne Städ aus eene Husoabeit?”

•    Nich to väl velangen.

   Waut de Schreft sajcht: “Lot aulemaun seenen, woo leeftolich [ooda veninftich] jie sent!” (Filippa 4:5, PB).

   Toom nodenkjen: Woo kaun ekj secha sennen, daut ekj nich too väl von mienen Ehepoatna velang?

   Eene Iedee: Rät gaunz op äwa aules, daut jie seenen kjennen, waut dän Ehepoatna fält. Berät junt daut, to waut jie june Tiet toop brucken wellen un daut daut soont es, wua jie junt beid freien kjennen.

   Daniela sajcht: “Mien Maun haft soo väl Krauft un Lost aule Sorten to doonen. Ekj wada hab weinich, wäajen ekj nich soo jesunt sie. Eenjemol saj ekj to mienen Maun, daut hee wellich kaun buten waut doonen, waut am schaftich moakt un daut hee sikj uk goot feelt. Ekj bliew dan bennen un vereiw mie en dee Tiet, waut hee ekserseisen deit. Soo hab wie beid daut jedonen, waut ons halpt.”

 Dise Froagen kjenn jie ieescht mol jieda fa sikj selfst derchgonen un lota rät toop doaräwa.

•    Denkj jie, jie nämen junt nu jroz jenuach Tiet fa eenaunda?

•   Wuafäa best du dankboa, waut dien Ehepoatna deit, daut jie kjennen toop waut doonen?

•   Waut wurscht du die wenschen, waut dien Ehepoatna aundasch deed?

•   Woo foaken hast du dienen Ehepoatna nich werkjlich toojehorcht, wäajen du aufjelenkjt wieescht wäajen dien Fon ooda Tablet?

•   Woo kjenn jie wiesen, daut jie nich too väl von dän aundren velangen?

•   Waut kjenn jie dise Wäakj endren, daut jie mea Tiet toop haben, onen daut junt waut auflenkjt?