Fa’n langi zeit henn Jehova Sei Witnesses edlichi diffandi trenslayshins funn di Bivvel gyoost, geprind, un naus gevva. Avvah miah henn ksenna es miah en trenslayshin braucha es leit bessah helfa kann “di voahheit vissa,” koss sell is vass Gott vill fa alli-ebbah. (1 Timotheus 2:3, 4) So, in 1950 henn miah kshteaht parts funn di New World Translation available macha zu leit. Dee Bivvel is accurate, un ma kann si greeya in ivvah 160 languages.

Miah henn en Bivvel gebraucht es eesi is fa fashtay. Languages tshaynsha ivvah zeit, un feel Bivla yoosa aldi vadda es hatt sinn fa fashtay. Es voahra aw aldi kabbis kfunna funn di Bivvel es may accurate sinn, un es naychah sinn vi di gansi eahshti kabbis. Sell hott kolfa fa Hebrew, Aramaic, un Greek bessah fashtay es gyoost voah fa di Bivvel shreiva.

En trenslayshin voah gebraucht es accurate is. Leit es di Bivvel trenslayda sedda nett yusht tshaynshes macha vi si vella, avvah sedda faythfel bleiva zu vass Gott aekshli ksawt hott. Avvah, in’s mensht Bivla heit is Gott sei nohma, Jehova, nett drinn.

En trenslayshin voah gebraucht fa veisa es di Bivvel kumd funn Jehova. (2 Samuel 23:2) Di New World Translation hott Jehova sei nohma viddah drinn ivvah sivva dausend moll vo’s gvest voah in di eahshti kabbis funn di Bivvel. Ma kann en example sayna funn sell in’s piktah do unna droh. (Psalm 83:18) Dee Bivvel is eesiyah fa laysa un fashtay koss funn awl’s research es gedu vadda is, un helft uns clearly sayna vi Gott denkt un feeld. Even vann du nett di New World Translation hosht in dei language, nemm doch zeit fa Jehova sei Vatt, di Bivvel, laysa alli dawk.​—Joshua 1:8; Psalm 1:2, 3.

• Favass henn miah diseiyt es miah en neiyi trenslayshin braucha funn di Bivvel?

• Vann ebbah lanna vill vass Gott sei villa is, vass sedda si du alli dawk?