A Dios a orrenges er a rechad er a rokui el renged. (Psalm 145:18, 19) A Tekingel el Biblia, a melisiich er kid el mo mengedecheduch er ngii el kirel a ngii di el ngerang el ngar er a uldesued. (Filipi 4:6, 7) Me nguaisei, engdi a bebil el nglunguuch a diak lodeuir a rengul a Dios. El uai tiang, aike el nglunguuch el di domelekl a diak lodeuir a rengul.​—Monguiu er a Mateus 6:7.

A Jehovah a dirrek el diak el soal a nglunguchir tirke el durengrir el melemall a llechul. (Osisechakl 28:9) El uai tiang, a irechar, e a Dios a dimlak lekengei el orrenges er a rechad er a Israel el tir a milekodir a chad. Me a leuaisei, e ngkirel el ngar er ngii a tekoi el doruul me bo el sebeched el morenges er a Dios.​—Monguiu er a Isaia 1:15.

Ngdiak el sebeched el mo er a Dios el okiu a nglunguuch a lsekum e ngdiak a klaumerang er kid. (Jakobus 1:5, 6) Ngkired el oumerang el kmo ngmera el ngar er ngii e dirrek el omekerreu er kid. Ngsebeched el melisiich a klaumerang er kid el oeak a omesubed er a Biblia e le a mera el klaumerang a mengai er aike el olechotel a tekoi el debetik er a Tekingel a Dios.​—Monguiu er a Hebru 11:1, 6.

Ngkired el meluluuch el mera el ngar er a rengud e dirrek el oba ngariourreng. A Ngelekel a Dios el Jesus, a uleba ngariourreng er a loluluuch. (Lukas 22:41, 42) Me a leuaisei, e ngkired el melasem el mo medengei aike el soal a Dios el oeak a omengiued er a Biblia er a bai dolekoi er ngii el kmo ngera kirel meruul. A bo deuaisei, e ngsebeched el meluluuch el oltirakl er a soal a Dios.​—Read 1 Johanes 5:14.