Ng Dios ma lechub e Ngchad?

“NGAK a llomes ra belulechad; me ngikel oltirakl er ngak a diak lorael ra ilkolk, e ngbai mo oba llomes ra klengar.” (Johanes 8:12) Aika tekingel a Jesus Kristus. A mellomes a rengul el chad er a kot el dart el rak a melluches el kirel el kmo: “A chelsel a Kristus a le berrotel er ngii a rokuil mekreos el tekoi, el llomeserreng ma klemedengei.” (Kolose 2:3) Ma lmuut kung e a Biblia a melekoi el kmo: “A diak a ullebengelel klengar tiakid el bo lodengelkau el dital meral Dios, ma Jesus Kristus el ngikel mulderchii.” (Johanes 17:3) A mera el klemedengei el kirel a Jesus a klou a ultutelel er a ungil el okelel a klereng er kid.

A rebetok el chad el meliuekl er a beluulechad a mla remenges a chisel a Jesus Kristus. Ngkmal mle klou a lerirellii el kirel a klechad. Mo lmuut er a kalender er a betok el beluu er a beluulechad a mlengai er rak el omdasu el kmo ngmilechell er ngii. “Te betok el chad a omes aike el sils er a uchei er a cherellel el kmo B.C. er a uchei er a Kristus,” ngmesaod a The World Book Encyclopedia. “Te ousbech er a A.D., ma lechub e ng anno Domini (er a rak er a Rubak er kid), el kirel aike el sils er a uriul er isel rak.”

Engdi, ngketouch a uldasu el kmo a Jesus ngii ngtechang. A rebebil a kmo ngii a merael a chisel el chad el milecherei a kerebai el ngar er a reksi. A rekuk bebil a mengull er ngii el ua le Dios el Olab a Bek el Klisiich. A rechad er a Hindu a omekesiu er a Jesus Kristus el mo er a chelid er a Hindu el Krishna, e a rebetok a melekoi er ngii el kmo ngchelid e chad. A Jesus ngdi mle chad, ma lechub e ngkired el mengull er ngii? Ngikang ngkmal techang? Ngmla er ker el mei? E mle ua ngera el chad? E ngar er ker er a chelechang? Kede mo omes er tia el ongingil el suobel, a babier el melekoi a betok el kirel a Jesus el ngii a meskid a ulterekokl el nger er aika el ker.