Ngerang Mesaod a Biblia?
Ngtechang me a lechub e ngerang a Diabelong?
KE MO MELEKOI EL KMO a Diabelong . . .
A mekngit el anghel?
A di okesiul a mekngit?
A di delibech el uldesuir a rechad?
A BIBLIA A MESAOD EL KMO
A Diabelong a milengedecheduch e dirrek el ‘milengarm’ er a Jesus. (Mateus 4:1-4) Me tiang a meketeklii el kmo a Diabelong a diak di el delibech el uldasu me a lechub e lokesiul a mekngit. Ngbai mera el ngar er ngii, e mera el mekngit el anghel.
NGERA LMUUT EL BEBIL EL DESUUB ER A BIBLIA?
A Diabelong a mle ungil el anghel er a kot el uchul ‘el mo lmuut er sera bocha loruul a mekngit.’ (Esekiel 28:15) Ngmlo omulak e dirrek el mlo omtok er a Dios.
A rebebil el anghel a mlo obengkel el omtok er a Dios.—Ocholt 12:9.
A Diabelong a mengeuid a uldesuir a rebetok el chad.—2 Korinth 4:4.
Ngsebechel a Diabelong el mengedereder er a rechad?
A REBEBIL A KMO a Diabelong a diak el mera el sebechel el mengedereder er kid, engdi a rebebil a kmal medakt er a remekngit el anghel. E kau a kuk ua ngera uldesuem?
A BIBLIA A MESAOD EL KMO
“A beluulchad el rokir a ngar eungel Ngikel Mekngit.” (1 Johanes 5:19) Me a Diabelong a mera el sebechel el mengedereder er a rebetok el chad, engdi ngdiak el rechad el rokui.
NGERA LMUUT EL BEBIL EL DESUUB ER A BIBLIA?
A Diabelong a mengeblad me bo el sebechel el mengesuseu er a rechad.—2 Korinth 11:14.
A lebebil er a taem e ngsebechir a remekngit el anghel el mengedereder er a rechad.—Mateus 12:22.
Ngoeak a ngelsuil a Dios e ngmo sebeched el “omtok er a Diabelong.”—Jakobus 4:7.
