A Biblia meskid aike el rokui el dousbech el mo outekangel a ringel er chelecha el uriul sils. (2Ti 3:1, 16, 17) Me nguaisei engdi kede locha dirk ousbech a ngeso el mo osiik a ileakl el omellach el chatter er a blekeradel el dengar ngii. El ua tiang, kau ke oungalek e ousbech a ulekrael el kirel a rolel a domekeroul er a rengalek? Ke ngeasek el lousbech a ngeso le ngngar ngii a melasem er a klaumerang er kau? Ke ngar er a klengiterreng le ngmla mo smecher a bechim? Ngsebechem el metik a suobel er a jw.org el ngii a ngoikau el mora ike el ileakl el omellach el ngosukau er aika el blekeradel me a lmuut el bebil.​—Osi 2:3-6.

Bora jw.org e betir a BIBLE TEACHINGS. (Momes er a 1 el siasing.) E mngiltii a soam el category. Me a lechub e bora LIBRARY > ARTICLE SERIES e mngiltii a soam el category. (Momes er a 2 el siasing.) Ngdirrek el sebechem el metik aika el osisiu el category er a JW Library^®. a Ngsebechem lomes aika el suobel er a ngii di el ta er ngii. A dirrek el ta er a tekoi el sebechem el meruul er ngii a ousbech er a search box er a jw.org el osiik a ileakl tekoi el soam.

Em search a derta er aika el tekoi er a search box, e mluches aike el soam el mo menguiu er aike el suobel el me tuobed.

• Okurulir a rengalek

• Depression er a rengeasek

• Kodellel a bechid