Sí, pasobra e mihó yudansa ta bini di “Dios, kende ta konsolá esnan ku ta deprimí.”—2 Korintionan 7:6.

•   Forsa. Dios ta “konsolá” nos, pasobra maske e no ta kita tur nos problemanan, ora nos pidié, e ta duna nos e forsa ku nos mester pa trata ku nos situashon. (Filipensenan 4:13) Nos por tin sigur ku e ta kla pa skucha nos, pasobra Beibel ta bisa: “SEÑOR ta serka di e hende di kurason kibrá, i ta salba esnan di spiritu abatí.” (Salmo 34:18, Beibel Santu) De echo, Dios por tende nos sklamashon pa yudansa asta ora nos no por haña palabra pa ekspresá nos sintimentunan.—Romanonan 8:26, 27.

•   Ehèmpel ku por animá nos. Un eskritor di Beibel a ekspresá su angustia na Dios ku e palabranan: “For di e profundidatnan mi a sklama na bo, o SEÑOR.” Kiko a yuda e salmista akí lucha ku su depreshon? El a kòrda ku Dios no ta keda kulpa hende pa e malu ku nan ta hasi sino ta dispuesto pa pordoná piká. Mas bien, el a bisa Dios: “ISi Bo kòrda nos pikánan, SEÑOR, ken lo por wanta bo huisio? Serka Bo nos por haña pordon pa nos siña respetá Bo.”​—Salmo 130:1, 3, 4, Beibel na papiamentu koriente.

•   Speransa. Ademas di e konsuelo ku Dios ta duna nos awe, el a primintí tambe di kaba ku tur difikultat ku ta deprimí hende. Ora e kumpli ku e promesa ei, “e kosnan di ántes [inkluso depreshon] lo no wòrdu rekordá mas ni bini na memoria.”​—Isaías 65:17, Beibel Santu.

 Nota: Aunke nos komo Testigunan di Yehova tin e konfiansa ku Dios ta yuda nos, nos ta buska tambe tratamentu médiko pa e malesa di depreshon. (Marko 2:17) Pero nos no ta rekomendá ningun tratamentu médiko en partikular. Ta keda na kada ken pa tuma su mes desishon ora ta trata asuntu di salú.