“E Alfa i e Omega” ta referí na Yehova, e Dios Todopoderoso. E ekspreshon akí ta aparesé tres biaha den Beibel.—Revelashon 1:8; 21:6; 22:13. a

 Alfa i omega ta e promé i último lèter di e álfabèt griego. Esaki ta e idioma ku a ser usá pa skirbi e parti di Beibel ku ta konosí komo e Tèstamènt Nobo. E parti di Beibel akí ta inkluí e buki di Revelashon. E posishon ku e lèternan akí tabatin den e álfabèt griego ta ser usá pa ilustrá ku Yehova so ta e prinsipio i e fin. (Revelashon 21:6) E semper tabata i e semper lo ta e Dios Todopoderoso. E ta e úniko ku ta eksistí “for di eternidat te na eternidat.”—Salmo 90:2, Beibel Santu.

 Beibel ta usa e título aki pa Yehova Dios i su Yu, Hesus, pero ku diferente nifikashon. Wak dos ehèmpel.

•   Na Isaías 44:6 Yehova ta bisa: “Ami ta e promé i Ami ta e último, i no tin Dios fuera di Mi.” (Beibel Santu) E teksto akí ta mustra bon kla ku Yehova ta e úniko Dios berdadero i ku e ta eksistí pa tur eternidat, fuera di dje no tin niun otro. (Deuteronomio 4:35, 39) Den e kaso akí, e ekspreshon “e promé i e último” tin e mesun nifikashon ku “e Alfa i e Omega.”

•   Na Revelashon 1:17, 18 i 2:8 e ekspreshon “e Promé [prótos, no alfa] i e Último [éskhatos, no omega]” ta aparesé . E konteksto di e versíkulonan akí ta mustra ku ta trata di un persona ku a muri i despues a bolbe biba. Pues, e versíkulonan aki no por ta referí na Dios pasobra Dios nunka no a muri. (Habakuk 1:12) No opstante, Hesus sí a muri i a ser resusitá. (Echonan 3:13-15) E tabata e promé hende ku a ser resusitá komo un spiritu inmortal den shelu, kaminda awor e ta biba “pa tur eternidat.” (Revelashon 1:18; Kolosensenan 1:18) Despues di su resurekshon, ta pa medio di Hesus tur otro hende lo haña un resurekshon. (Huan 6:40, 44) P’esei, e tabata e último persona ku Yehova a resusitá direktamente. (Echonan 10:40) Den e sentido akí, Hesus por ser yamá “e Promé i e Último.”

 Nò. Na kapítulo 22 di Revelashon vários persona ta na palabra, pero Beibel no ta identifiká spesífikamente ken ta papia na versíkulo 13. Un profesor universitario, William Barclay a skirbi lo siguiente tokante e parti aki: “Nada no ta skirbí den un sekuensia lógiko; . . . i ta hopi difísil pa sa ken presis ta na palabra.” (The Revelation of John, Tomo 2, Edishon Revisá, página 223) Pues, ta posibel ku “e Alfa i e Omega” ku Revelashon 22:13 ta menshoná ta referí na Yehova Dios, e mesun persona ku a haña e título ei otro kaminda den e buki di Revelashon.