Pregunta Ku Beibel Ta Kontestá
Kon bo yunan por siña stima Dios?
Usa ehèmpelnan di kreashon pa siña bo yunan konosé Dios i stim’é
Bo yunan por siña stima Dios solamente ora nan sa sigur ku e ta eksistí i ta stima nan. Pa nan stima Dios, nan mester siña konos’é. (1 Huan 4:8) Por ehèmpel, nan mester sa dikon Dios a kreá hende, dikon e ta permití hende sufri i kiko lo e hasi pa nos den futuro.—Lesa Filipensenan 1:9.
Pa bo yunan stima Dios, nan mester mira ku abo tambe ta stim’é, ya ku kasi sigur nan lo sigui bo ehèmpel.—Lesa Deuteronomio 6:5-7; Proverbionan 22:6.
Kon bo por yega na kurason di bo yunan?
E Palabra di Dios tin hopi poder. (Hebreonan 4:12) Pues, yuda bo yunan komprondé e siñansanan básiko di Beibel. Pa Hesus por a yega na kurason di su oyentenan, el a hasi nan pregunta, skucha nan kontesta i splika nan loke nan no tabata komprondé di e Skritura. Bo tambe por imitá Hesus su manera di siña pa yega na kurason di bo yunan.—Lesa Lukas 24:15-19, 27, 32.
Ademas, den Beibel tin relatonan ku ta mustra kon Yehova a trata hende i esaki por yuda bo yunan konosé Dios mihó i stim’é. Riba e website www.isa4310.com/pap bo ta haña publikashonnan spesial pa e propósito ei.—Lesa 2 Timoteo 3:16.
Otro Artíkulo Interesante
MUCHA
Bira Amigu di Yehova
E kantika-, vidio- i aktividatnan ku por prent ta yuda mucha siña lès balioso tokante kon pa agradá Dios.
E TOREN DI VIGILANSIA
Kon Mester Siña Nan Tokante Dios?—Método Ku Ta Duna Mihó Resultado
Mi Buki di Relato Bíbliko
Mi Buki di Relato Bíbliko
BUKI I FOYETO
