Na kuminsamentu di siglo 2 di nos era, despues ku Hesus su apòstelnan a muri, e promé Tatanan di Iglesia a haña mas prominensia. Papiando di nan siñansanan, New Catholic Encyclopedia (2003), Volúmen 6, ta bisa na página 687: “E siñansa ku a prevalesé mas tabata ku unabes e alma sali for di e kurpa despues di morto, i pasa dor di kualke purifikashon nesesario, e ta haña su felisidat selestial mesora.”

“Bendishoná ta esnan humilde, pasobra nan lo heredá e tera.”​—Mateo 5:5.

Ounke Hesus a primintí su disipelnan ku lo e “prepará un lugá” pa nan den shelu, el a indiká ku no ta tur hende hustu ta bai shelu. (Juan 3:13; 14:​2, 3) No ta asina ku el a resa pidi pa e boluntat di Dios tuma lugá “na tera meskos ku den shelu”? (Mateo 6:​9, 10) En realidat, Dios lo rekompensá hende hustu ku bida sea den shelu òf riba tera. Un minoria lo goberná ku Kristu den shelu, pero e mayoria lo biba pa semper riba tera.​—Revelashon 5:10.

Ku tempu, e iglesia di promé aya a kuminsá mira e papel ku e ta hunga riba tera for di un otro punto di bista. Ku ki resultado? Segun The New Encyclopædia Britannica, “pokopoko e iglesia tradishonal a remplasá e Reino di Dios tan sperá.” Pa konsolidá su poder, iglesia a kuminsá mete den polítika, ignorando loke Hesus a bisa su siguidónan, esta, pa nan ‘no bira parti di mundu.’ (Juan 15:19; 17:​14-16; 18:36) Bou di influensia di e emperador romano Constantino, iglesia a bai asina leu di komprometé algun di su kreensianan. Un di esakinan tabatin di haber ku Dios mes.

Wak tambe e versíkulonan di Beibel akí: Salmo 37:​10, 11 i 29; Juan 17:3; 2 Timoteo 2:11 i 12